தலைநகர் Ottawa-வில் நடைபெற இருந்த தனது உரையாற்றும் நிகழ்ச்சியை கனடாவுக்கான அமெரிக்கத் தூதர் இறுதி நேரத்தில் இரத்து செய்தார்.
வெள்ளை மாளிகை அதிகாரிகளுடனான ‘முக்கியமான’ சந்திப்புகள் காரணமாக இந்த நிகழ்வை கனடாவுக்கான அமெரிக்க தூதர் Pete Hoekstra இரத்து செய்தார்.
2026 Canada Strong and Free Networking Conference மாநாட்டில் Pete Hoekstra சிறப்புப் பேச்சாளராக கலந்து கொள்ள இருந்தார்.
இந்த நிகழ்வின் ஆரம்பத்தின் ஒரு மணி நேரத்திற்கு முன்னதாக, தூதரின் கலந்துரையாடல் நிகழ்ச்சி இரத்து செய்யப்பட்டதாக ஏற்பாட்டாளர்கள் தெரிவித்தனர்.
“அவசர சந்திப்புகளுக்காகத் தூதர் வெள்ளை மாளிகைக்கு அழைக்கப்பட்டதால், இந்த நிகழ்ச்சி நிரல் மாற்றியமைக்கப்பட்டுள்ளது” என Pete Hoekstra கூறினார்.
SelectUSA உச்சி மாநாட்டிற்காக ஒரு வணிகக் குழுவுடன் இந்த வாரம் முழுவதும் Washington-னில் தங்கியிருந்தார் என கனடாவிற்கான அமெரிக்கத் தூதரகம் தெரிவித்தது.
வெள்ளை மாளிகையில் வெள்ளிக்கிழமை (08) மூத்த அதிகாரிகளுடன் அவருக்கு “முக்கியமான சந்திப்புகள்” இருந்ததாக தெரிவிக்கப்படுகிறது.
அந்த சந்திப்புகள் CUSMA பேச்சுவார்த்தைகளுடன் தொடர்புடையவையா என்பதைத் தூதரகம் தெரிவிக்கவில்லை.
