Ontario முதல்வர் சிறைக்குச் செல்ல நேரிடலாம் என கூறியதற்கு பிரதான எதிர்க்கட்சி தலைவர் கடுமையாக விமர்சிக்கப்பட்டார்.
இந்த விடயத்தில் Ontario PC கட்சி, எதிர்க்கட்சி தலைவரை செவ்வாய்க்கிழமை (05) கடுமையாக விமர்சித்தது.
Greenbelt குறித்து பொது விசாரணை நடத்தப்பட்டால், முதல்வர் Doug Ford சிறைக்குச் செல்ல நேரிடலாம் என எதிர்க்கட்சித் தலைவர் Marit Stiles அண்மையில் கூறியிருந்தார்.
இதை அபாயகரமான அமெரிக்க பாணியிலான அரசியல் என எதிர்க்கட்சி கண்டித்தது.
Donald Trump பாணியிலான சொல்லாடல்களுக்கு இந்த சட்டமன்றத்தில் இடமில்லை என கேள்வி நேரத்தின்போது அரசாங்க அவைத் தலைவர் Steve Clark கூறினார்.
OSAP குறித்த கேள்வி ஒன்றை Marit Stiles முன்வைத்த நிலையில் இந்த விமர்சனம் வெளியானது.
இந்த வகையான சொல்லாடல்கள் இந்த அவையின் தரத்தைக் குறைக்கின்றன என கூறிய Steve Clark, இந்த சட்டமன்றத்திலோ, எமது மாகாணத்திலோ அல்லது எமது நாட்டிலோ அதற்கு இடமில்லை எனவும் தெரிவித்தார்.
இதற்கு பதிலளித்த Marit Stiles, “RCMP குற்றவியல் விசாரணைக்கு உட்பட்ட ஒரு அரசாங்கத்திடமிருந்து இந்தக் கருத்து வருவது மிகவும் வேடிக்கையானது” என கூறினார்.
தான் முதல்வரானால், Greenbelt பகுதியில் நடக்கும் “மோசமான பேரங்களை” அம்பலப்படுத்தி, Doug Ford “சிறைக்கு” செல்லக்கூடிய ஒரு பொது விசாரணைக்கு அழைப்பு விடுப்பேன் என Marit Stiles திங்கட்கிழமை (04) கூறி இருந்தார்.
Greenbelt பகுதியில் உள்ள நிலங்களை கட்டுமான நிறுவனங்களுக்கு திறந்துவிடும் Doug Ford அரசாங்கத்தின் முடிவு குறித்து RCMP தற்போது விசாரணை நடத்தி வருகிறது.
ஆனால் இந்த விசாரணையில் எந்த குற்றச்சாட்டும் இதுவரை பதிவாகவில்லை.
