Ontario Liberal கட்சி ஆளும் Progressive Conservative கட்சியை விட மக்கள் ஆதரவில் முன்னிலையில் உள்ளது.
Ontario முதல்வரின் தனி விமான கொள்வனவு முடிவு, தகவல் அறியும் உரிமைச் சட்டங்களில் மேற்கொள்ளப்பட்ட மாற்றங்கள் ஆகியவற்றின் பின்னர் வெளியான புதிய கருத்துக் கணிப்பின்படி, தலைமை இல்லாத Liberal கட்சி, Progressive Conservative கட்சியை விட முன்னணியில் உள்ளது.
Doug Ford தலைமையிலான Progressive Conservative கட்சி 36 சதவீதத்துடன், 38 சதவீதத்துடன் உள்ள Liberal கட்சிக்குச் சற்றுப் பின் தங்கியுள்ளது.
அதிகாரப்பூர்வ எதிர்க்கட்சியாக விளங்கும் Ontario NDP 20 சதவீதமும், பசுமைக் கட்சி நான்கு சதவீதமும் இந்தக் கருத்துக் கணிப்பில் பெற்றிருந்தன.
Progressive Conservative கட்சிக்கான ஆதரவு சில காலமாக குறைந்து வருவதாக தெரிவிக்கப்படுகிறது.
அரசாங்கத்தின் விளம்பரங்களால் இந்தச் சரிவு மெதுவாக பட்டிருந்தாலும், தனி விமான கொள்வனவு முடிவு, தகவல் அறியும் உரிமைச் சட்டங்களில் மேற்கொள்ளப்பட்ட மாற்றங்கள் அவர்களின் ஆதரவும் கீழிறக்கி, கட்சியை இப்போது இரண்டாம் இடத்திற்கு கொண்டு சென்றுள்ளது.
