புதிய வர்த்தக ஒப்பந்தம் கையெழுத்தாகும் வரை அமெரிக்காவின் மதுபானங்களுக்கான தடையில் இருந்து பின்வாங்கப் போவதில்லை என Doug Ford தெரிவித்துள்ளார்.
கனடாவுக்கும் அமெரிக்காவுக்கும் இடையே ஒரு புதிய வர்த்தக ஒப்பந்தம் ஏற்படும் வரை, அமெரிக்க மதுபானங்களை மீண்டும் LCBO கடைகளின் விற்பனைக்கு அனுமதிக்கும் எண்ணம் தனக்கு இல்லை என Ontario முதல்வர் Doug Ford புதன்கிழமை (22) தெரிவித்தார்.
கனடாவின் பொருளாதாரம் மீதான தனது அழுத்தத்தை அமெரிக்க ஜனாதிபதி Donald Trump தீவிரப்படுத்தியதை அடுத்து அமெரிக்காவில் தயாரிக்கப்பட்ட அனைத்து மதுபான பொருட்களையும் LCBO கடைகளில் விற்பனை செய்வதற்கு Doug Ford தடை விதித்தார்.
கனடா-அமெரிக்கா-மெக்சிகோ ஒப்பந்தம் புதுப்பிக்கப்பட உள்ள நிலையில், மதுபானத் தடையை கனடாவுடனான வர்த்தகத்தில் ஒரு சிக்கலாக அமெரிக்கா சுட்டிக்காட்டியுள்ளது.
ஆனால், ஒரு தெளிவான ஒப்பந்தம் எட்டப்படாமல் இந்தத் தடையை நீக்கும் திட்டம் தன்னிடம் இல்லை என Doug Ford வலியுறுத்தினார்.
தான் Donald Trump-பை நம்பவில்லை எனவும் அவர் கூறினார்.
