கனடாவின் அதிகரித்துவரும் குற்ற விகிதம் அமெரிக்காவுடனான குற்ற விகித இடைவெளியைக் குறைத்து வருவதாக புதிய அறிக்கை ஒன்று தெரிவிக்கின்றது.
கடந்த 25 ஆண்டுகளில் கனடாவுக்கும் அமெரிக்காவுக்கும் இடையிலான குற்ற விகிதங்களை ஒப்பிடும் ஒரு புதிய அறிக்கையில் இந்தத் தகவல் வெளியானது.
கனடிய புள்ளிவிபரத் திணைக்களம் இந்த அறிக்கையை வெளியிட்டது.
அமெரிக்காவில் தொடர்ந்து அதிக எண்ணிக்கையிலான வன்முறைக் குற்றங்களும் கொலைகளும் பதிவு செய்யப்பட்டாலும், இரு நாடுகளுக்கும் இடையிலான இடைவெளி படிப்படியாகக் குறைந்து வருவதை இந்த அறிக்கை சுட்டிக்காட்டுகிறது.
புதன்கிழமை (08) வெளியிடப்பட்ட இந்த அறிக்கை, அமெரிக்காவில் வன்முறை குற்றங்கள் குறைந்து வருவதையும் கனடாவில் மிதமான அதிகரிப்பையும் எதிர் திசைகளில் எடுத்துக்காட்டுகிறது.
2023-ஆம் ஆண்டில், கனடாவில் காவல்துறையினரால் அறிவிக்கப்பட்ட வன்முறை குற்ற விகிதம் 100,000 பேருக்கு 252 சம்பவங்களாக இருந்தது.
அமெரிக்காவுடன் ஒப்பிடும்போது இந்த எண்ணிக்கை 334 சம்பவங்கள் அல்லது 33 சதவீத வித்தியாசமாகும்.
பதினைந்து ஆண்டுகளுக்கு முன்பு, இந்த இடைவெளி 77 சதவீதமாக இருந்தது இங்கு குறிப்பிடத்தக்கது.
1998 முதல் 2023 வரை அமெரிக்காவில் வன்முறை குற்றங்கள் 37 சதவீதம் குறைந்துள்ளது.
2009 முதல் கனடாவில் இந்த எண்ணிக்கை ஒன்பது சதவீத உயர்வை எதிர்கொண்டுள்ளது.
