கனடாவின் மிக வயதான நபர் தனது 110-வது வயதில் காலமானார்.
கனடாவில் அறியப்பட்ட மிக வயதான நபரான Burdett ‘Burd’ Sisler தனது 110-வது வயதில் காலமானார்.
கனடாவில் வாழ்ந்தவர்களில் அறியப்பட்ட மிக வயதானவரும், இரண்டாம் உலகப் போரின் மிக வயதான வீரர்களில் ஒருவருமான Burdett Sisler காலமானார்.
இவரது மரணத்தை கனடிய ஆளுநர் நாயகம் அலுவலகம் சனிக்கிழமை (04) அறிவித்தது.
1915-இல் பிறந்த Burdett Sisler, Toronto-வைப் பூர்வீகமாகக் கொண்டவர்.
இவர் இரண்டாம் உலகப் போரின் போது கனடிய ஆயுதப் படைகளில் radar தொழில்நுட்ப வல்லுநராக பணியாற்றினார்.
யுத்தம் முடிவடைந்த பின்னர், மூன்று தசாப்தங்களுக்கு அவர் கனடா எல்லைச் சேவைகள் முகமையகத்தில் தொடர்ந்து பணியாற்றினார்.
