$1 மில்லியனுக்கும் குறைவான விலையுள்ள புதிய வீடுகளுக்கு முழுமையான HST தள்ளுபடியை Ontario அரசாங்கம் நீட்டிக்கின்றது.
April 1-ஆம் திகதி முதல், Ontario மாகாணத்தில் $1 மில்லியன் வரையிலான மதிப்புள்ள புதிய வீடுகளை கொள்வனவு செய்ய தகுதியுள்ளவர்கள், 13 சதவிகித HST வரியைச் செலுத்த தேவையில்லை என அறிவிக்கப்பட்டுள்ளது.
மத்திய அரசாங்கத்திற்கும் Ontario மாகாண அரசாங்கத்திற்கும் இடையிலான ஒரு புதிய ஒப்பந்தம் இதை சாத்தியப்படுத்திய உள்ளது.
இதன் மூலம் Ontario மாகாணத்தில் ஒரு புதிய வீட்டின் விலை விரைவில் $130,000 வரை குறையக்கூடிய சாத்தியக்கூறு தோன்றியுள்ளது.
Ontario அரசாங்கத்துடனான இந்த ஒப்பந்தத்தை பிரதமர் Mark Carney திங்கட்கிழமை (30) Toronto-வில் அறிவித்தார்.
இந்தத் திட்டம் Ontario மக்களுக்கு மொத்தமாக $2.2 பில்லியன் வரிச் சேமிப்பு வரை வழங்குவதோடு, வீட்டுக் கட்டுமானத்தையும் ஊக்குவிக்கும் எனவும் பிரதமர் நம்பிக்கை தெரிவித்தார்.
இந்த வரிச்சலுகை நிவாரண நடவடிக்கை April 1 2026 அமுலுக்கு வந்து, 2027 March 31 காலாவதியாகும் என அறிவிக்கப்பட்டுள்ளது.
