கனடிய ஆயுதப்படை உறுப்பினர் ஒருவர் Latvia-வில் மரணமடைந்தார்.
கனடிய ஆயுதப் படைகளைச் சேர்ந்த உறுப்பினர் ஒருவர் Latvia-வில் வியாழக்கிழமை (29) மரணித்ததாக தேசிய பாதுகாப்புத் துறை வெள்ளிக்கிழமை (30) வெளியிட்ட செய்திக் குறிப்பில் தெரிவிக்கப்பட்டுள்ளது.
மரணமடைந்தவர் Ontario மாகாணத்தின் Hamilton நகரை சேர்ந்த Sebastian Halmagean என தெரிவிக்கப்படுகிறது.
அவர் மரணமடைந்த போது பணியில் இருந்ததை கனடிய கூட்டு நடவடிக்கை தளம் உறுதிப்படுத்தியது.
மூன்று ஆண்டுகள் கனடிய ஆயுதப்படைகளில் பணியாற்றிய அவரது முதல் வெளிநாட்டுப் பணியமர்த்தல் இதுவாகும்.
இந்த சம்பவம் எங்கள் பணியமர்த்தப்பட்ட உறுப்பினர்களின் பாதுகாப்பிற்கு அதிகரித்த அச்சுறுத்தலை ஏற்படுத்துவதற்கான எந்த அறிகுறியும் இல்லை என தேசிய பாதுகாப்புத் துறை தனது செய்தி குறிப்பில் தெரிவித்துள்ளது.
இவரது மரணம் எவ்வாறு நிகழ்ந்தது என்பது குறித்த விவரங்கள் வெளியாகவில்லை.
இந்தச் சம்பவம் குறித்து, கனடியப் படைகளின் இராணுவக் காவல்துறையின் ஆதரவுடன் Latvia -வின் இராணுவக் காவல் துறையினர் விசாரணை நடந்து வருவதாக தெரிவிக்கப்படுகிறது.
LJI Reporter ரம்யா சேது
