வேலை நிறுத்தத்தில் ஈடுபட்டுள்ள 50 ஆயிரத்திற்கும் அதிகமான ஆசிரியர்களை பணிக்குத் திரும்ப Alberta மாகாண அரசாங்கம் உத்தரவிட்டுள்ளது.
Notwithstanding சட்டத்தை உபயோகித்து ஆசிரியர்கள் பணிக்குத் திரும்ப உத்தரவிடப்பட்டுள்ளனர்.
திங்கட்கிழமை முன்வைக்கப்பட்ட சட்ட மூலத்தின் மூலம் ஆசிரியர்களை பணிக்குத் திரும்ப Alberta அரசாங்கம் உத்தரவிட்டுள்ளது.
இந்தச் சட்டம் ஆசிரியர்களின் வேலை நிறுத்தம் உடனடியாக முடிவுக்கு வருவதை உறுதிப்படுத்துகிறது என மாகாண நிதியமைச்சர் Nate Horner தெரிவித்தார்.
Notwithstanding சட்டத்தின் உபயோகம் ஒரு தீவிரமான முடிவு என கூறிய அவர், தமது அரசாங்கம் அதை எளிதாக எடுத்துக் கொள்ளவில்லை எனவும் தெரிவித்தார்.
வேலை நிறுத்தத்தை முடிவுக்கு கொண்டு வர Notwithstanding சட்டத்தை உபயோகிப்படுத்துவது தேவையற்றது என புதிய ஜனநாயகக் கட்சித் தலைவர் Naheed Nenshi தெரிவித்தார்.
மாணவர்களும் ஆசிரியர்களும் புதன்கிழமை பாடசாலைக்கு திரும்புவார்கள் என முதல்வர் Danielle Smith தெரிவித்தார்.
இதன் மூலம், Alberta மாகாண வரலாற்றின் மிக நீண்ட பாடசாலை வேலை நிறுத்தம் 16 நாட்கள் தொடரும் நிலை தோன்றியுள்ளது.
