Etobicoke நகரில் கனரக வாகனம் மோதியதில் தமிழ் பெண் ஒருவர் உயிரிழந்தார்.
வியாழக்கிழமை (08) காலை Islington Avenue and Dixon Road சந்திப்புக்கு அருகாமையில் இந்த விபத்து நிகழ்ந்தது.
காலை 9 மணியளவில் கனரக வாகனம் மோதியதில் 35 வயது பெண் ஒருவர் சம்பவ இடத்தில் உயிரிழந்ததாக Toronto காவல்துறையினர் தெரிவித்தனர்.
இந்தப் பெண் நடைபாதையில் வீதியை கடந்து செல்கையில், அவர் மீது வாகனம் மோதியுள்ளது.
அவசரகால பணியாளர்கள் அவரது உயிரைக் காப்பாற்ற முயன்றதாகவும், ஆனால் அவர் சம்பவ இடத்திலேயே இறந்து விட்டதாகவும் காவல்துறையினர் தெரிவித்தனர்.
26 வயதான வாகன ஓட்டுநர் இதில் காயமடையவில்லை எனவும் சம்பவ இடத்தில் அவர் காவல்துறையினர் விசாரணைக்கு ஒத்துழைத்து வருவதாகவும் தெரிய வருகிறது.
இந்த சம்பவத்தில் பலியானவர் அனுஷா ராஜகாந் என குடும்பத்தினர் மூலம் தெரியவருகிறது.
இந்த சம்பவம் குறித்து குற்றச்சாட்டுக்கள் எதுவும் இதுவரை பதிவாகவில்லை.
LJI Reporter ரம்யா சேது
