கனடிய முதல்வர்களை பிரதமர் Mark Carney சந்திக்கவுள்ளார்.
இந்த மாத இறுதியில் Ottawa-வில் இந்த சந்திப்பு நடைபெறும் என பிரதமர் அலுவலகம் உறுதிப்படுத்தியது.
அமெரிக்காவுடனான கனடாவின் வர்த்தக பேச்சுவார்த்தைகள் முடங்கிப் போயுள்ள நிலையிலும் உலகளாவிய ரீதியில் பதட்டங்கள் அதிகரித்து வரும் நிலையிலும் இந்த சந்திப்பு January 29-ஆம் திகதி நடைபெறுகிறது.
மாலை நேர குழு இரவு விருந்தின் பின்னர் மாகாண, பிராந்தியத் தலைவர்களுடனான சந்திப்பை Mark Carney நடத்துவார் என அரசாங்க அதிகாரி உறுதிப்படுத்தினார்.
கனடா-அமெரிக்க உறவுகளுக்குப் பொறுப்பான அமைச்சர் Dominic LeBlanc, இந்த மாத நடுப்பகுதியில் அமெரிக்க அதிகாரிகளை சந்தித்து CUSMA குறித்த முறையான பேச்சுவார்த்தைகளை ஆரம்பிப்பார் என பிரதமர் அறிவித்த நிலையில் இந்த சந்திப்பு குறித்த தகவல் வெளியானது.
மாகாண, பிராந்திய முதல்வர்கள் தொடர் மெய்நிகர் சந்திப்புகளை நடத்தி வருகின்றனர்.
கனடாவின் பொருளாதாரத்தை அதிகரிப்பதற்கும், அமெரிக்க அதிபர் விதித்த வரிகளால் கடுமையாக பாதிக்கப்பட்ட தொழில்களை ஆதரிப்பதற்கும் ஒருங்கிணைந்த அணுகுமுறையை வகுப்பதற்காக இந்த சந்திப்புகள் முன்னெடுக்கப்படுகின்றன.
LJI Reporter ரம்யா சேது
