நாடாளுமன்ற உறுப்பினர் பதவியில் இருந்து Chrystia Freeland வெள்ளிக்கிழமை (09) விலகுகிறார்.
எதிர்க்கட்சிகள் அழுத்தத்திற்கு மத்தியில் இந்த அறிவித்தல் புதன்கிழமை (07) வெளியாகிறது.
“January 9 முதல் தனது பதவியில் இருந்து விலகுவதை உறுதிப்படுத்த சபாநாயகருக்கு கடிதம் எழுதியுள்ளேன்” என Chrystia Freeland ஒரு சமூக ஊடகப் பதிவில் தெரிவித்தார்.
2013 முதல் நாடாளுமன்றத்தில் எனது தொகுதி மக்களுக்கும் அனைத்து கனடியர்களுக்கும் சேவை செய்வது ஒரு மகத்தான மரியாதையாக அமைந்தது எனவும் அவர் கூறினார்.
முன்னாள் துணைப் பிரதமர் Chrystia Freeland தனது நாடாளுமன்ற உறுப்பினர் பதவியில் இருந்து உடனடியாக விலகுவதாக இந்த வாரம் அறிவித்தார்.
உக்ரைனின் பொருளாதார ஆலோசகராக Chrystia Freeland கடந்த திங்கட்கிழமை (05) நியமிக்கப்பட்டார்.
உக்ரைன் ஜனாதிபதி Volodymyr Zelenskyy இந்த நியமனத்தை அறிவித்த சில மணி நேரத்தின் பின்னர் தனது நாடாளுமன்ற உறுப்பினர் பதவியில் இருந்து விலகுவதாக Chrystia Freeland அறிவித்திருந்தார்.
December 22-ஆம் திகதி Volodymyr Zelenskyy புதிய ஊதியம் பெறாத இந்த பகுதிநேரப் பதவியை Chrystia Freeland-க்கு வழங்கியதாகவும், December 24-ஆம் திகதி தனது முடிவை பிரதமர் Mark Carney-க்கு அவர் அறிவித்ததாகவும் தெரியவருகிறது.
இந்த நிலையில் வேறொரு நாட்டிற்கு ஆலோசனை வழங்க ஒப்புக் கொண்டவுடன் Chrystia Freeland தனது நாடாளுமன்ற உறுப்பினர் பதவியில் இருந்து உடனடியாக விலகியிருக்க வேண்டும் என எதிர்க்கட்சி நாடாளுமன்ற உறுப்பினர்களும், நெறிமுறை விமர்சகர்களும் கேள்வி எழுப்பினர்.
ஆனாலும் இந்த விடயத்தில் மத்திய நெறிமுறைகள் ஆணையருடன் கலந்தாலோசித்ததாகவும், அவரது ஆலோசனையை பின் பற்றியதாகவும் Chrystia Freeland தனது பதிவில் கூறினார்.
Ontario மாகாண Toronto நகரில் University-Rosedale தொகுதி Liberal நாடாளுமன்ற உறுப்பினர் Chrystia Freeland அறிவித்துள்ள பதவி விலகல், உக்ரைன் ஜனாதிபதி அறிவித்துள்ள புதிய தன்னார்வ பொருளாதார மேம்பாட்டு ஆலோசகராகப் பணியாற்றுவதற்கு ஒத்திசைவானது என Mark Carney கூறியிருந்தார்.
அடுத்த தேர்தலில் போட்டியிடப் போவதில்லை என Chrystia Freeland ஏற்கனவே அறிவித்திருந்தார்.
அவர் எதிர்வரும் July 01-ஆம் திகதி முதல் இங்கிலாந்தின் Oxford-டில் உள்ள உலகளாவிய கல்வி தொண்டு நிறுவனமான Rhodes Trust-இன் தலைமை நிர்வாக அதிகாரியாக பொறுப்பேற்க உள்ளார் என்பது குறிப்பிடத்தக்கது.
உக்ரேனிய வம்சாவளியை கொண்ட Chrystia Freeland, பிரதமர் Justin Trudeau-வின் அரசாங்கத்தில் அமைச்சராகவும் துணைப் பிரதமராகவும் இருந்தார்.
பின்னர் உக்ரைனின் மறுகட்டமைப்புக்கான கனடாவின் சிறப்பு பிரதிநிதியாக பிரதமர் Mark Carney அவரை நியமித்தார்.
LJI Reporter ரம்யா சேது
