உக்ரைனின் பொருளாதார ஆலோசகராக முன்னாள் கனடிய நிதியமைச்சர் Chrystia Freeland நியமிக்கப்பட்டார்.
உக்ரைன் ஜனாதிபதி Volodymyr Zelenskyy திங்கட்கிழமை (05) இந்த நியமனத்தை அறிவித்தார்.
ரஷ்யா-உக்ரைன் போரை முடிவுக்குக் கொண்டு வரும் முயற்சியில், உக்ரைனின் ஏனைய நட்பு நாடுகளைச் சந்திக்க கனடிய பிரதமர் France பயணிக்கும் நிலையில் இந்த நியமனம் அறிவிக்கப்பட்டது.
திங்கள், செவ்வாய்க்கிழமைகளில் (06) Mark Carney உக்ரைனின் நட்பு நாடுகளை சந்திப்பார் என பிரதமர் அலுவலகம் தெரிவித்தது.
புதிய முதலீடுகளை ஈர்ப்பதிலும் பொருளாதார மாற்றங்களை செயல்படுத்துவதிலும் Chrystia Freeland திறமையானவர், விரிவான அனுபவத்தைக் கொண்டுள்ளார் என இந்த நியமனம் குறித்த அறிவித்தலில் Volodymyr Zelenskyy குறிப்பிட்டார்.
உக்ரேனிய வம்சாவளியை கொண்ட Chrystia Freeland, பிரதமர் Justin Trudeau-வின் அரசாங்கத்தில் அமைச்சராகவும் துணைப் பிரதமராகவும் இருந்தார்.
பின்னர் உக்ரைனின் மறுகட்டமைப்புக்கான கனடாவின் சிறப்பு பிரதிநிதியாக பிரதமர் Mark Carney அவரை நியமித்தார்.
கடந்த September மாதம் அமைச்சரவையில் இருந்து விலகிய அவர், தொடர்ந்தும் Toronto நகரில் University-Rosedale தொகுதியை நாடாளுமன்ற உறுப்பினராக பிரதிநிதித்துவப்படுத்துகிறார்.
ரஷ்யாவுடனான போரில் Chrystia Freeland நீண்ட காலமாக தனது ஆதரவை உக்ரைனுக்கு தெரிவித்து வருகின்றார் என்பது குறிப்பிடத்தக்கது.
LJI Reporter ரம்யா சேது
