Venezuela ஜனாதிபதி Nicolás Maduro அவரது மனைவியுடன் கைது செய்யப்பட்டு அமெரிக்காவுக்கு நாடு கடத்தப்பட்டது குறித்து கனடாவின் பிரதான எதிர்க்கட்சிகள் மாறுபட்ட கருத்துக்களை வெளியிட்டு வருகின்றன.
Nicolás Maduro அவரது மனைவியுடன் சனிக்கிழமை (03) கைது செய்யப்பட்டு அமெரிக்காவுக்கு நாடு கடத்தப்பட்டார்.
முன்னதாக Venezuela மீது அமெரிக்கா திடீர் தாக்குதல்களை முன்னெடுத்த நிலையில் இந்த கைது குறித்த அறிவித்தல் வெளியானது.
இந்தக் கைதுக்கு Conservative தலைவர் Pierre Poilievre அமெரிக்க ஜனாதிபதிக்கு வாழ்த்து தெரிவித்தார்.
Nicolás Maduro ஒரு போதைப்பொருள் பயங்கரவாதி என அழைத்த Pierre Poilievre, அவர் தனது வாழ்வின் இறுதி நாட்களை சிறையில் கழிக்க வேண்டும் எனவும் கூறினார்.
Nicolás Maduro-வின் ஆட்சி “அடிப்படை சுதந்திரங்களை மீறுகிறது” என Bloc Quebecois தலைவர் Yves-Francois தெரிவித்தார்.
ஆனாலும் “பொதுமக்கள் உயிர்களுக்கு ஆபத்து விளைவித்த” அவரை கைது செய்வதற்கான அமெரிக்க படையினரின் நகர்வு குறித்து அவர் கவலை தெரிவித்தார்.
இந்த விடயத்தில் அமெரிக்காவை இடைக்கால NDP தலைவர் Don Davies கண்டித்தார்.
இந்த நடவடிக்கையை முற்றிலும் சட்டவிரோதமானது என குறிப்பிட்ட அவர் ஒரு உறுப்பு நாடாக அமெரிக்கா நிலைநிறுத்த ஒப்புக்கொண்ட ஐ.நா. உடன்படிக்கைகளை மீறும் ஒரு நடவடிக்கை இது எனவும் குறிப்பிட்டார்.
LJI Reporter ரம்யா சேது
