2026 FIFA உலகக் கோப்பை தொடரில் கனடா B பிரிவில் ஆட தெரிவாகியுள்ளது.
அமெரிக்கா தலைநகரில் வெள்ளிக்கிழமை (05) நடைபெற்ற FIFA நிகழ்வின் ஒரு பகுதியாக பிரிவுகளும் குழு நிலை போட்டிகளும் அறிவிக்கப்பட்டன.
இந்த நிகழ்வில் கனடிய பிரதமர் Mark Carney பங்கேற்றார்.
கத்தார், சுவிட்சர்லாந்து உள்ளிட்ட நாடுகளை கொண்ட பிரிவில் கனடா போட்டியிட தெரிவாகியுள்ளது.
இத்தாலி, வடக்கு அயர்லாந்து, Wales, Bosnia and Herzegovina ஆகிய அணிகள் பங்கேற்கும் ஐரோப்பிய அணிகளுக்கு இடையிலான போட்டியில் வெற்றி பெறும் அணியும் இந்த பிரிவில் பங்கேற்றும்.
Toronto-வில் கனடாவின் முதல் ஆட்டம் June 12 -ஆம் திகதி ஐரோப்பிய அணிகளுக்கு இடையிலான ஆட்டத்தின் வெற்றியாளருக்கு எதிராக நடைபெறும்.
இது கனடிய மண்ணில் நடைபெறும் முதல் FIFA உலகக் கோப்பை போட்டியாக அமையும்.
பின்னர் கனடிய ஆண்கள் தேசிய அணி June 18 அன்று கத்தாருக்கு எதிரான இரண்டாவது ஆட்டத்தில் விளையாட Vancouver பயணமாகும்.
June 24 அன்று சுவிட்சர்லாந்துடனான கனடிய அணியின் ஆட்டம் Vancouver-ரில் நடைபெறும்.
கனடா தங்கள் குழுவில் முதலிடத்தை பிடித்தால், அவர்கள் 32 அணிகள் சுற்று, 16 அணிகள் சுற்று ஆட்டங்களை Vancouver-ரில் எதிர்கொள்ளும்.
LJI Reporter ரம்யா சேது
