நாடு தழுவிய குளிர்கால வானிலை எச்சரிக்கைகள் காரணமாக Ontario-வில் 50 cm பனிப்பொழிவு சாத்தியமாகிறது.
தென்மேற்கு Ontario , தெற்கு Quebec பெரும்பகுதிக்கு வியாழக்கிழமை (04) காலை சுற்றுச்சூழல் கனடா வானிலை எச்சரிக்கைகளை வெளியிட்டது.
வியாழன் முழுவதும் கடுமையான பனிப்பொழிவு இந்தப் பகுதியில் தொடரும் என எதிர்பார்க்கப்படும் நிலையில் இந்த எச்சரிக்கை வெளியானது.
கிழக்கில் Lindsay முதல் மேற்கில் Grand Bend வரையிலும், வடக்கே Tobermory, Manitoulin Island தீவு வரையிலும் உள்ள Ontario-வின் ஒரு பெரிய பகுதிக்கு தற்போது பனிப்புயல் எச்சரிக்கைகள் அமுலில் உள்ளன.
இந்தப் பகுதிகளில் பனிப்புயல்கள் பயணிக்கும் திறனைக் கணிசமாகக் குறைக்கும் எனவும், பனியின் அளவு விரைவாக அதிகரிக்கும் எனவும் எதிர்பார்க்கப்படுகிறது,
சில பகுதிகளில் 50 cm வரை பனிப்பொழிவை சுற்றுச்சூழல் கனடா எதிர்பார்க்கிறது.
Maritimes பகுதிகளுக்கான எச்சரிக்கையும் சுற்றுச்சூழல் கனடாவினால் வெளியிடப்பட்டது.
Alberta மாகாணத்தின் சில பகுதிகளுக்கு பனிப்பொழிவு எச்சரிக்கைகளும், உறைபனி மழை எச்சரிக்கைகள் British Colombia மாகாணத்தின் சில பகுதிகளுக்கு அமுலில் உள்ளன.
LJI Reporter ரம்யா சேது
