Ontario வீடு விற்பனை முகவர் மாநாட்டில் இளவரசர் Harry உரையாற்ற உள்ளார்.
Ontario-வின் real estate சங்கத்திற்கான (OREA) Toronto மாநாட்டில் இளவரசர் Harry அடுத்த மாதம் உரையாற்ற உள்ளார்.
December 1-ஆம் திகதி நடைபெறும் மாநாட்டில் அவர் முக்கிய உரை நிகழ்த்த உள்ளார்.
மாநாட்டை நிறைவுக்கு கொண்டு வரும் உரையை இளவரசர் வழங்கவுள்ளதாக தெரிவிக்கப்படும் போதும், அவர் என்ன தலைப்பில் உரையாற்றுவார் என்பது தெளிவாகத் தெரியவில்லை.
இளவரசர் Harry அண்மைய வாரங்களில் Toronto நகரத்திற்கு மேற்கொள்ளும் இரண்டாவது பயணம் இதுவாகும்.
ஆப்கானிஸ்தானில் இங்கிலாந்து ஆயுதப் படைகளின் பணியாற்றிய இளவரசர் Harry கடந்த சில வாரங்களுக்கு முன்னர், முன்னாள் கனடிய படைவீரர்களை சந்திக்க Toronto-விற்கு விஜயம் செய்திருந்தார்.
இந்த மாநாட்டில் Ontario முதல்வர் Doug Ford, Ontario NDP தலைவர் Marit Stiles, Ontario பொது, வணிக சேவை வழங்கல் அமைச்சர் Stephen Crawford உள்ளிட்ட பல Ontario நகர முதல்வர்களும், மாகாண சபை உறுப்பினர்களும் உரையாற்றவுள்ளனர்.
தவிரவும் முன்னாள் Ontario முதல்வர் Kathleen Wynne, முன்னாள் Alberta முதல்வர் Jason Kenney, முன்னாள் Newfoundland and Labrador முதல்வர் Andrew Furey உள்ளிட்ட பல முன்னாள் முதல்வர்கள் உள்ளிட்டவர்களும் இந்த மாநாட்டில் கலந்து கொள்ள உள்ளனர்.
LJI Reporter ரம்யா சேது
