பிரதமர் Justin Trudeau வெள்ளிக்கிழமை தனது முதலாவது AstraZeneca COVID தடுப்பூசியை பெற்றுக் கொண்டார்.
பிரதமருடன் அவரது துணைவியார் Sophie Gregoire Trudeauவும் தனது முதலாவது AstraZeneca தடுப்பூசியை பெற்றுக் கொண்டார். நாடாளுமன்றத்திற்கு அருகில் உள்ள மருந்தகத்தில் இவர்கள் இருவருக்கும் தடுப்பூசி வழங்கப்பட்டது. தடுப்பூசி பெறுவது குறித்து தான் மிகவும் உற்சாகமாக உள்ளதாக Trudeau கூறினார். தடுப்பூசிக்கு பெறுவதற்கு தகுதி உடையவராக இருந்தால், விரைவில் தடுப்பூசியைப் பெறுவதை உறுதிப்படுத்திக் கொள்ளுங்கள் என அவர் கூறினார்.
அமைச்சர்கள் Marco Mendicino, Patty Hajdu ஆகியோரும் வெள்ளிக்கிழமை தமது முதலாவது AstraZeneca தடுப்பூசியை பெற்றுக் கொண்டனர். NDP கட்சியின் தலைவர் Jagmeet Singh கடந்த புதன்கிழமை தனது முதலாவது AstraZeneca தடுப்பூசியை பெற்றுக் கொண்டார். Conservative கட்சியின் தலைவர் Erin O’Toole இந்த வார விடுமுறையில் தனது முதலாவது தடுப்பூசியை பெறவுள்ளார்
இன்று வரை குறைந்தது 11.4 மில்லியன் கனடியர்கள் அங்கீகரிக்கப்பட்ட COVID தடுப்பூசியை பெற்றுள்ளனர்.
