Conservative கட்சியை தொடர்ந்து வழிநடத்த திட்டமிட்டுள்ளதாகக் தலைவர் Pierre Poilievre தெரிவித்தார்.
தனது தலைமைத்துவ பாணியில் எந்த மாற்றத்தையும் மேற்கொள்ளத் திட்டமிடவில்லை எனவும் அவர் கூறினார்.
அண்மையில் Conservative கட்சி நாடாளுமன்ற உறுப்பினர் Chris d’Entremont கட்சி மாறியதுடன், Matt Jeneroux பதவி விலகுவதாக அறிவித்திருந்தார்.
இதன் பின்னர் முதல் தடவையாக ஊடகங்களிடம் பேசிய Pierre Poilievre இந்தக் கருத்தை தெரிவித்தார்.
எதிர்வரும் January மாதம் தலைமைத்துவ மதிப்பாய்வை எதிர்கொள்ளவுள்ள Pierre Poilievre, தனது கட்சியை விட்டு மேலும் நாடாளுமன்ற உறுப்பினர்கள் வெளியேறுவார்கள் என தான் நம்பவில்லை எனவும் கூறினார்.
முன்னாள் Conservative நாடாளுமன்ற உறுப்பினர் Chris d’Entremont கட்சி மாறிய பின்னர், Liberal அரசாங்கம் வரவு செலவுத் திட்ட வாக்கெடுப்புக்கு முன்னதாக பெரும்பான்மைக்கு இரண்டு ஆசனங்கள் மட்டுமே குறைவான நிலையில் உள்ளது.
வரவு செலவுத் திட்டம் மீதான வாக்கெடுப்பு November 17 ஆம் திகதி நம்பிக்கை வாக்கெடுப்பாக அமையவுள்ளது குறிப்பிடத்தக்கது.
