கனடாவுக்கு எதிரான வரிகளை இரத்து செய்ய அமெரிக்க மேலவை வாக்களித்தது
கனடாவுக்கு எதிரான வரிகளை இரத்து செய்யும் சட்டத்தை அமெரிக்க மேலவை புதன்கிழமை (29) நிறைவேற்றியது.
இந்த சட்டம் 50-க்கு 46 என்ற வாக்குகளுடன் நிறைவேற்றியுள்ளது.
ஜனாதிபதி Donald Trump வரிகளை விதிக்கப் பயன்படுத்திய தேசிய அவசர நிலைகளை முடிவுக்குக் கொண்டுவருவதற்கு இந்த வாரம் முன்னெடுக்கப்பட்ட தொடர்ச்சியான வாக்கெடுப்புகளில் ஒன்றாக இது அமைந்தது.
இந்தத் தீர்மானங்கள் இறுதியில் நடைமுறைக்கு வராத போதிலும், ஜனாதிபதியின் வர்த்தகக் கொள்கைக்கும், பாரம்பரியமாக சுதந்திர வர்த்தகத்தை ஆதரித்து வரும் குடியரசுக் கட்சி மேலவை உறுப்பினர்களுக்கும் இடையிலான விரிசல்களை அம்பலப்படுத்த ஒரு சிறந்த வழியாக இது அமைகிறது.
ஆசியாவில் வர்த்தகப் பேச்சுவார்த்தைகளை Donald Trump முன்னெடுத்துவரும் நிலையில் இந்த வாக்கெடுப்பு நடைபெற்று முடிந்தது.
இரு நாடுகளுக்கும் இடையிலான வரிகளைக் குறைப்பதற்கான கனடாவுடனான பேச்சுவார்த்தைகளை Donald Trump அண்மையில் இடை நிறுத்தியிருந்தது இங்கு குறிப்பிடத்தக்கது.
