பிரதமர் Mark Carney ஆசிய நாடுகளுக்கான தனது முதலாவது பயணத்தை ஆரம்பிக்கின்றார்.
தென்கிழக்கு நாடுகள் சங்கத்தின் (ASEAN) உச்சி மாநாட்டில் கலந்து கொள்வதற்காக Mark Carney வெள்ளிக்கிழமை (24) மலேசியாவின் தலைநகர் கோலாலம்பூர் பயணிக்கின்றார்.
பின்னர் பிரதமர் Lawrence Wong-கை சந்திக்க அவர் Singapore பயணமாகின்றார்.
அதைத் தொடர்ந்து தென்கொரியாவில் நடைபெறும் ஆசிய பசிபிக் பொருளாதார ஒத்துழைப்பு (APEC) மாநாட்டில் Mark Carney பங்கேற்கின்றார்.
இந்த ஒன்பது நாள் பயணத்தின் இறுதிக் கட்டத்தில் அவர் கனடாவின் இரண்டு முக்கிய வர்த்தக பங்காளிகளான அமெரிக்கா, சீனா ஆகிய நாடுகளின் ஜனாதிபதிகள் பங்கேற்கும் APEC மாநாட்டில் கலந்து கொள்வார்.
கனடா உடனான வர்த்தக பேச்சுவார்த்தைகளை முடித்துக் கொள்வதாக அமெரிக்க ஜனாதிபதி Donald Trump வியாழக்கிழமை (23) திடீரென அறிவித்துள்ள நிலையில் இந்த மாநாடு முக்கியத்துவம் பெறுகின்றது.
APEC மாநாட்டில் Donald Trump-புடன் நேரடி சந்திப்பு எதுவும் இதுவரை திட்டமிட படவில்லை என கனடிய பிரதமர் அலுவலகம் தெரிவித்தது.
ஆனாலும் இரு தலைவர்களும் சந்திப்பதற்கான சாத்தியக்கூறுகள் அதிகம் என அதிகாரிகள் கூறுகின்றனர்.
இந்த மாநாட்டில் சீன ஜனாதிபதி Xi Jinping-குடன் தனிபட்ட நேரடி சந்திப்புக்கான முயற்சிகள் தொடர்வதாகவும் கனடிய அரசாங்க அதிகாரிகள் கூறுகின்றனர்.
முன்னாள் பிரதமர் Justin Trudeau பதவிக் காலத்தில் வெளிநாட்டு தலையீடுகள் குறித்த குற்றசாட்டுகள் செய்திகளில் ஆதிக்கம் செலுத்திய பின்னர், கனடாவிற்கும் சீனாவிற்கும் இடையிலான இராஜதந்திர உறவின் குறிப்பிடத்தக்க மாற்றமாக இந்த சந்திப்பு அமையும் சாத்தியக்கூறு உள்ளது.
