அமெரிக்காவுடன் துறைசார் கட்டண ஒப்பந்தம் ஏற்படுவதற்கான சாத்தியத்தை கனடிய பிரதமர் உறுதிப்படுத்தினார்.
இந்த மாத இறுதிக்குள் அமெரிக்காவுடன் ஒரு புதிய துறைசார் கட்டண ஒப்பந்தத்திற்கான வாய்ப்பு இருப்பதாக பிரதமர் Mark Carney செவ்வாய்க்கிழமை (21) தெரிவித்தார்.
அடுத்த வாரம் நடைபெறும் ஆசிய-பசிபிக் பொருளாதார ஒத்துழைப்பு மன்றம் (APEC) மாநாட்டுக்கு முன்னதாக இந்த ஒப்பந்தத்திற்கான வாய்ப்பு குறித்த கேள்விக்கு Mark Carney பதிலளிக்கவில்லை.
ஆனால் இந்த விடயத்தில் அதிகப்படியான நம்பிக்கையுடன் இருப்பதற்கு எதிராக அவர் எச்சரித்தார்.
தென் கொரியாவில் நடைபெறவுள்ள APEC மாநாட்டில் ஜனாதிபதி Donald Trump-பை சந்திக்க ஆவலுடன் காத்திருப்பதாக மட்டும் Mark Carney தெரிவித்தார்.
ஆனாலும் அடுத்த வாரத்திற்குள் ஒரு ஒப்பந்தம் ஏற்படும் வாய்ப்பு குறித்து குறைவான நம்பிக்கையுடன் இருப்பதாக கனடா-அமெரிக்க வர்த்தக அமைச்சர் Dominic LeBlanc கூறினார்.
இந்த விடயத்தில் இயல்பிலேயே நம்பிக்கையுடன் இருந்தாலும், ஒரு உடன்பாடு எட்டப்படுவதற்கு முன்னர் நிறைவேற வேண்டிய பணிகள் உள்ளதாக
செவ்வாயன்று அமைச்சரவைக் கூட்டத்திற்குச் முன்னதாக செய்தியாளர்களிடம் அவர் தெரிவித்தார்.
இதற்கிடையில், இந்த வாரம் அமெரிக்காவுடனான இரும்பு, அலுமினியம் ஆகிய இறக்குமதி ஒப்பந்தத்தில் நகர்வுகள் ஏற்படக்கூடும் என கனடிய அரசாங்க வட்டார தகவல்கள் தெரிவித்தன.
இரு நாடுகளுக்கும் இடையிலான வர்த்தகப் போர் நீடித்து வரும் நிலையில், Mark Carney-யும் அவரது அமைச்சரவையும் பல மாதங்களாக அமெரிக்க ஜனாதிபதி Donald Trump நிர்வாகத்துடன் தொடர்ந்து கலந்துரையாடல்களில் ஈடுபட்டு வருகின்றனர்.
எந்தவொரு நாடும் அமெரிக்காவுடனான பேச்சுவார்த்தைகளில் முற்றிலும் வரி இல்லாத ஒப்பந்தத்தைப் பெறும் சாத்தியக்கூறு மிகக் குறைவு பல மாதங்களாக Mark Carney சுட்டிக்காட்டி வருகிறார்.
