Newfoundland and Labrador மாகாணசபை தேர்தல் வாக்குப்பதிவு செவ்வாய்க்கிழமை (14) நடைபெறுகிறது.
40 மாவட்டங்களிலிருந்தும் வாக்காளர்கள் அடுத்த அரசாங்கத்தைத் தேர்ந்தெடுக்கின்றனர்.
இந்தத் தேர்தலை NDP கட்சி Jim Dinn தலைமையில், Liberal கட்சி John Hogan தலைமையில், Progressive Conservative கட்சி Tony Wakeham தலைமையில் எதிர்கொள்கிறது.
இந்தத் தேர்தல் Liberal தலைமைத்துவம் குறித்த வாக்கெடுப்பாக இருக்கும் என தான் நம்புவதாக Jim Dinn கூறினார்.
மாற்றத்திற்கான நேரம் இதுவாகும் என்பது Tony Wakeham-மின் பிரதான பிரச்சார செய்தியாகும்.
கனடாவின் கிழக்கு மாகாணத்தில் ஒரு தசாப்த காலமாக Liberal கட்சி ஆட்சியில் உள்ளது.
10 ஆண்டுகளுக்கும் மேலான Progressive Conservative ஆட்சியின் பின்னர், 2015-ஆம் ஆண்டில் Liberal கட்சி, சட்டமன்றத்தில் 40 இடங்களில் 31 ஆசனங்களை வெற்றி பெற்றனர்.
ஆனால் இந்த ஆண்டு தேர்தல் பிரச்சாரம் ஆரம்பித்த போது, Liberal கட்சி 40 இடங்களில் 19 ஆசனங்களையும், Progressive Conservative கட்சி 14 ஆசனங்களையும் தம்வசம் வைத்திருந்தனர்.
இந்த வருடம் Newfoundland and Labrador மாகாணத்தில் நடைபெறும் மூன்றாவது தேர்தல் இதுவாகும்.
கடந்த April மாதத்தில் ஒரு பொதுத் தேர்தலும், இந்த மாத ஆரம்பத்தில் நகரசபைத் தேர்தலும் நடைபெற்றது.
2021 மாகாணசபைத் தேர்தலில் 51 சதவீத வாக்குப்பதிவு நிகழ்ந்தது குறிப்பிடத்தக்கது.
