கனடாவில் ஆரம்பமான G7 நாடுகளின் நிதி அமைச்சர்கள் சந்திப்பு இதுவரை “மிகவும் பயனுள்ளதாக” அமைந்துள்ளதாக கனடாவின் நிதியமைச்சர் Francois-Philippe Champagne தெரிவித்தார்.
உலகின் மிகப்பெரிய பொருளாதார நாடுகளின் நிதி அமைச்சர்கள் இரண்டு நாட்கள Alberta மாகாணத்தில் சந்திக்கின்றனர்.
புதன்கிழமை (21) ஆரம்பமான G7 நாடுகளின் நிதி அமைச்சர்களின் இந்த சந்திப்பில் பொருளாதார ஸ்திரத்தன்மை குறித்த பேச்சுவார்த்தைகளை கனடா தலைமை தாங்குகிறது.
அமெரிக்காவின் வரி பதட்டங்களுக்கு மத்தியில் உலகளாவிய நிதி பிரச்சனைகளை எதிர்கொள்வது குறித்து ஒருமித்த கருத்தை கண்டறியும் முயற்சியில் தான் தலைமை தாங்கும் பேச்சுவார்த்தைகள் இதுவரை “மிகவும் பயனுள்ளதாக” இருந்ததாக Francois-Philippe Champagne தெரிவித்தார்.
தானும் அமெரிக்க கருவூல செயலாளர் Scott Bessent-டும் நிதி அமைச்சர்கள் பேச்சுகளில் ஏற்பட்டுள்ள முன்னேற்றம் குறித்து மகிழ்ச்சியடைந்துள்ளதக அவர் கூறினார்.
இந்த சந்திப்பு அடுத்த மாதம் நடைபெறும் G7 தலைவர்கள் உச்சி மாநாட்டிற்கான முன்னோட்டமாக கருதப்படுகிறது.
