Conservative கட்சியின் இடைக்கால எதிர்க்கட்சித் தலைவராக Andrew Scheer தேர்வு செய்யப்பட்டார்.
எதிர்வரும் வசந்த கால அமர்வின் போது நாடாளுமன்றத்தில் கட்சியை வழிநடத்த Andrew Scheer-ரை Conservative கட்சி தேர்ந்தெடுத்துள்ளது.
Saskatchewan நாடாளுமன்ற உறுப்பினராக தேர்ந்தெடுக்கப்பட்டவரும் முன்னாள் கட்சித் தலைவருமான Andrew Scheer, May 26-ஆம் திகதி ஆரம்பிக்கப்படும் சபை அமர்வுகளில் எதிர்க்கட்சித் தலைவராக பொறுப்பேற்பார்.
கடந்த பொதுத் தேர்தலில் Conservative கட்சித் தலைவர் Pierre Poilievre தோல்வியடைந்த நிலையில் இடைக்கால தலைவர் தேர்தெடுக்கப்பட்டார்.
Carleton தொகுதியில் போட்டியிட்ட Liberal வேட்பாளர் Bruce Fanjoy-இடம், Pierre Poilievre தோல்வியடைந்தார்.
இதன் மூலம் Ottawa பகுதியில் நாடாளுமன்ற உறுப்பினராக இருந்த அவரது இரண்டு தசாப்த பதவி காலம் முடிவுக்கு வந்தது.
விரைவில் நடைபெறும் என எதிர்பார்க்கப்படும் இடைத்தேர்தலில் Pierre Poilievre போட்டியிடுவார் என எதிர்பார்க்கப்படுகிறது.
