அமெரிக்க ஜனாதிபதியின் கனடாவுடனான வர்த்தகப் போரில் கனடா வெற்றிபெறும் என கனடிய பிரதமர் தெரிவித்தார்.
அமெரிக்க ஜனாதிபதி Donald Trump ஆரம்பித்து வைத்த வர்த்தகப் போரில் கனடா “வெல்லும்” என Mark Carney நம்பிக்கை தெரிவித்தார்.
உள்நாட்டு உள்கட்டமைப்பை கட்டியெழுப்புவதன் மூலமும், Donald Trump -பின் வரி விதிப்புகளை முகங்கொடுக்கும் பிற வர்த்தக உறவுகளை வலுப்படுத்துவதன் மூலமும் கனடாவின் பொருளாதாரத்தை பலப்படுத்த Mark Carney உறுதியளித்தார்.
Scarborough-வில் வெள்ளிக்கிழமை (04) மாலை தமிழர்கள் பலர் கலந்து கொண்ட பேரணி உட்பட பொதுத் தேர்தல் பிரச்சாரத்தின் இரண்டாவது வாரம் முழுவதும் நடைபெற்ற கூட்டங்களில் Mark Carney இந்த உறுதிமொழியை முன்வைத்தார் .
இந்தப் போரை நாங்கள் ஆரம்பிக்கவில்லை என கூறிய அவர், வேறு எவராவது போரை ஆரம்பித்தால் அதை எதிர்கொள்ள கனடியர்கள் எப்போதும் தயாராக உள்ளனர் என Scarborough-வில் நடைபெற்ற தேர்தல் பிரச்சாரத்தில் Mark Carney தெரிவித்தார்.
தனது தலைமையிலான அரசாங்கம் கனடியப் பொருளாதாரத்தை பாதுகாக்கும் எனவும் இளைஞர்கள் அதன் ஒரு பகுதியாக இருப்பதை உறுதி செய்யும் எனவும் பல வாரங்களாக அவர் தெரிவித்து வருகிறார்.
