கனடாவில் 67 ஆயிரம் வரையிலான Honda, Acura வாகனங்கள் திரும்ப அழைக்கப்படுகின்றன.
கனடாவில் 66,846 வாகனங்கள் பாதிக்கப்பட்டுள்ளதாக Honda செவ்வாய்க்கிழமை (06) அறிவித்தது.
முன் இருக்கை பயணிகள் airbag உணரிகளில் – sensors – ஏற்படக்கூடிய சிக்கல்கள் காரணமாக இந்த அறிவித்தல் வெளியானது.
பாதிக்கப்பட்டதாக சந்தேகிக்கப்பட்டு திரும்ப அழைக்கப்படுகின்ற ஒரு சதவீத வாகனங்களில் இந்தக் குறைபாடு இருப்பதாக Honda மதிப்பிடுகிறது.
Honda Accord, Civic, CR-V, Fit, HR-V, Insight, Odyssey, Ridgeline ஆகிய வாகனங்களிலும், Acura MDX, RDX, TLX ஆகிய வாகனங்களில் இந்த பாதிப்பு உள்ளதாக கூறப்படுகிறது.
பாதிக்கப்பட்ட வாகனங்கள் 2020 முதல் 2022 ஆண்டுகளில் தயாரிக்க பட்டவையாகும்.
Honda வாகன விற்பனையாளர்களுக்கு இந்த விடயம் கடந்த வெள்ளிக்கிழமை அறிவிக்கப்படதாக Honda கூறுகிறது.
இதனால் பாதிக்கப்பட்ட வாகனங்களின் உரிமையாளர்கள் அடுத்த மாதம் தொடர்பு கொள்ளப்படுவார்கள்.
