Ontarioவில் வாகனக் காப்பீட்டு கட்டணங்களை 40 சதவீதம் குறைக்கும் திட்டத்தை புதிய ஜனநாயக கட்சி புதன்கிழமை (11) அறிவித்தது.
இதன் மூலம் வருடாந்தம் ஓட்டுநர்கள் சராசரியாக 660 டொலர்களை சேமிக்க முடியும் என NDP தலைவர் Andrea Horwath தெரிவித்தார்.
Quebec, Manitoba, British Colombia, Saskatchewan மாகாணங்களை போல Ontarioவும் பொது வாகன காப்பீட்டை ஆய்வு செய்யவுள்ளது என அவர் கூறினார்.
தான் முதல்வராக தேர்தெடுக்கப்பட்டால் வாகன காப்பீட்டு கட்டண உயர்வினை 18 மாதங்களுக்கு தடை செய்யவுள்ளதாகவும் அவர் கூறினார்.
2020 ஆம் ஆண்டில், Ontario வாகனக் காப்பீட்டாளர்கள் 3.63 பில்லியன் டொலர்கள் இலாபம் ஈட்டியுள்ளனர் எனவும் Horwath தெரிவித்தார்.
