ரஷ்ய தாக்குதல்களுக்கு எதிரான போராட்டத்தில் தனது நாட்டிற்கு மேலும் உதவுமாறு கனடாவிடம் உக்ரேனிய ஜனாதிபதி Volodymyr Zelensky நேரடியாக வேண்டுகோள் விடுத்தார்.
செவ்வாய்க்கிழமை (15) கனடிய நாடாளுமன்றத்தில் மெய்நிகர் வழியிலான தனது உணர்ச்சிகரமான உரையின் போது அவர் இந்த வேண்டுகோளை முன்வைத்தார்.
உக்ரேனியர்களை அழிக்க ரஷ்யா விரும்புகிறது என தனது உரையில் அவர் கூறினார்.
தனது 20 நிமிட உரையின் போது, கனடா தனது இராணுவ, மனிதாபிமான பதில் முயற்சிகளை தொடர வேண்டும் என அவர் அழைப்பு விடுத்தார்.
உக்ரைன் ஜனாதிபதியின் உரையை தொடர்ந்து Senate சபாநாயகர் George Furey, நாடாளுமன்ற சபாநாயகர் Anthony Rota, Conservative கட்சியின் இடைக்கால தலைவர் Candice Bergen, Bloc Quebecois தலைவர் Yves-François Blanchet, NDP தலைவர்Jagmeet Singh, பசுமை கட்சியின் நாடாளுமன்ற உறுப்பினர் Elizabeth May ஆகியோர் பதிலளிக்க வாய்ப்பு வழங்கப்பட்டது.
