Ottawa காவல்துறைத் தலைவர் Peter Sloly தனது பதவியில் இருந்து விலகியுள்ளார்.
பல வாரங்களாக Ottawaவின் பெரும்பகுதியை முடக்கியுள்ள எதிர்ப்பு போராட்டங்களுக்கு மத்தியில் இன்றைய பதவி விலகல் அறிவிக்கப்பட்டது.
இந்த நிலையில் காவல்துறையின் துணை தலைவர் Steve Bell இடைக்கால தலைவராக நியமிக்கப்பட்டுள்ளார்.
Ottawa போராட்டங்கள் செவ்வாய்க்கிழமை (15) 19ஆம் நாளை எட்டியுள்ளது.
ஆர்ப்பாட்டக்காரர்கள் தொடர்ந்தும் Ottawa மத்திய பகுதிகளில் முகாமிட்டுள்ளனர்.
இந்த ஆர்ப்பாட்டங்களுக்கு Ottawa காவல்துறையின் பதில் நடவடிக்கை கடுமையாக விமர்சிக்கப்பட்டு வருகிறது
இந்த நிலையில் Sloly தனது பதவி விலகலை ஒரு அறிக்கையில் அறிவித்தார்
ஆர்ப்பாட்டம் தொடங்கியதிலிருந்து, Ottawa நகரத்தை பாதுகாப்பாக வைத்திருக்கவும், முன்னெப்போதும் இல்லாத நெருக்கடிக்கு முற்றுப்புள்ளி வைக்கவும் தன்னால் முடிந்த அனைத்தையும் செய்துள்ளதாக அந்த அறிக்கையில் Sloly குறிப்பிட்டுள்ளார்
