September 19, 2021
தேசியம்
இலங்கதாஸ்பத்மநாதன் கட்டுரைகள்

COVID தடுமாற்றம்: CERBஐ விட CRB சிறந்தது COVID Dilemma: CRB Is Better and More Flexible than CERB

கனடா வருவாய் திணைக்களம் (Canada Revenue Agency – CRA) இந்த வாரம் புதிய கனடா மீட்பு நலத் திட்டம் (Canada Recovery Benefit – CRB) ஒன்றை அறிமுகப்படுத்தியுள்ளது. வேலை வாய்ப்பு காப்பீடு இல்லாதவர்கள் (EI) அல்லது வேலை வாய்ப்பு காப்பீட்டை முடித்துக் கொண்டவர்களுக்கான கனடாவின் அவசரகால பதிலீட்டு நலன் (Canada Emergency Response Benefit – CERB) திட்டமே CRB ஆகும்.

CERB இதுவரை CRA இன் மிகவும் பிரபலமானதும் வெற்றிகரமானதுமான நலத்திட்டமாக இருந்தது. இதனால் இதன் நிறுத்தம் என்பது கனடியர்களுக்கு கடினமாக இருந்தது. மாற்றம் என்பது எளிதல்ல, ஆனாலும் இன்றைய நிலையில் அது தேவையாகவுள்ளது.

COVID-19 உடனான ஒரு புதிய வாழ்க்கை முறைக்கு ஏற்ப, தமது வருமானத்தை பாதிக்காதவாறான நெகிழ்வுத்தன்மையுடனான வேலை மக்களுக்கு தேவைப்படுகிறது. COVID தொடர்பான பிரச்சினைகள் காரணமாக பலர் வேலையில்லாமல் இருப்பார்கள் அல்லது அவர்களுக்கு வேலை செய்ய முடியாமல் போகலாம்.

COVID தொற்று யாரை வேண்டுமானாலும் பாதிக்கலாம். அந்த நேரத்தில், பாதிக்கப்பட்ட நபரை 14 நாட்களுக்கு தனிமைப்படுத்த வேண்டும். அப்பகுதி ஒரு கட்டுப்பாட்டு வலயமாக அறிவிக்கப்படும் என்பதுடன், அப்பகுதியிலுள்ள கடைகளும் வர்த்தக நிறுவனங்களும் மூடப்படும். புதிய மீட்பு நலன்கள் இத்தகைய சிக்கல்களைத் தீர்க்கவே வடிவமைக்கப்பட்டுள்ளன.

CERBக்கு இணையாக CRB நலனை வாரத்திற்கு 500 டொலர்களாக உயர்த்தும் புதிய சட்டத்தை Justin Trudeauவின் அரசாங்கம் அறிமுகப்படுத்தியுள்ளது. பொருளாதாரம் இயல்பு நிலைக்குத் திரும்ப குறைந்த பட்சம் ஒரு வருடம் ஆகும் என்பதை அரசாங்கம் உணர்ந்துள்ளது. எனவே, புதிய CRB 2020ஆம் ஆண்டு September 27 ஆம் திகதி ஆரம்பமாகி 2021 ஆம் ஆண்டு  September 25 ஆம் திகதி முடிவடைகிறது. தகுதியான ஒவ்வொரு நபரும் 26 வாரங்கள் வரை, அதிகபட்சமாக, 13,000 டொலர்கள் வரை CRBஐ கோரலாம்.

CRB என்பது CERB போன்றதே. இது CERB ஐ விட இரண்டு வழிகளில் சிறந்தது.

நன்மைக் காலத்திற்கான உங்கள் மாத வருமானம் $ 1,000ஐத் தாண்டினாலும் நீங்கள் CRBஐ கோரலாம். ஒரே நிபந்தனை CRBஐத் தவிர்த்து, உங்கள் ஆண்டு வருமானம், 38,000 டொலர்களைத் தாண்டக்கூடாது.

September 25, 2021 வரை நீங்கள் CRBஜ கோரலாம். இந்த 52 வாரங்களில், ஏதேனுமொரு 26 வாரங்களுக்கு நீங்கள் தகுதி பெறும்போது உங்களுக்கான தொகையை க் கோரலாம்.

CRBக்கு எவ்வாறு விண்ணப்பிப்பது?

CERB பயன்பாட்டின் குறைபாடுகளை மேம்படுத்த CRBக்கான விண்ணப்ப செயல்முறையை CRA மாற்றியுள்ளது. CERB இல், நீங்கள் நான்கு வாரங்களுக்கு முன்பே விண்ணப்பிக்கலாம், அந்தக் காலத்தில் நீங்கள் 1,000 டொலர்களுக்கு மேல் சம்பாதிக்க மாட்டீர்கள் என எதிர்பார்க்கப்படுகிறது. இது பல விண்ணப்பதாரர்கள் பின்னர் தங்கள் CERBஐ திருப்பிச் செலுத்த வழிவகுக்கிறது. மேலும், December 2 ஆம் திகதிக்கு முன்னரான காலத்திற்கு விண்ணப்பிப்பவர்களுக்கு CRA முந்தைய CERB கொடுப்பனவுகளையும் வழங்குகிறது. இவை அனைத்தும் CRAயின் நிர்வாகச் சுமையைச் கூட்டுகின்றன.

CRBஐ CRA எளிதாக்கியுள்ளது. நலன்களைப் பெற நீங்கள் முதலில் CRA இணையத்தளத்தில் பதிவு செய்ய வேண்டும். பின்னர், ஒவ்வொரு இரண்டு வாரங்களுக்கும் உங்கள் விண்ணப்பத்தை சமர்ப்பிக்கலாம். ஒரு விண்ணப்பத்தில், நீங்கள் இரண்டு வாரங்களுக்கு மேல் உரிமை கோர முடியாது. மேலும், 60 நாட்கள் நன்மைக் காலத்தின் பிறகு நீங்கள் அதனைக் கோர முடியாது.

உதாரணமாக, September 27 முதல் October 11 வரையிலான இரண்டு வாரங்களுக்கு October 12 ஆம் திகதி உங்களின் முதல் CRBக்கு நீங்கள் உரிமை கோரலாம். இந்த காலகட்டத்தில் நீங்கள் நலனைப் பெற தகுதியுடையவராக இருந்தால், நீங்கள் விண்ணப்பிக்க கடைசி திகதி December 10 ஆம் திகதி ஆகும் (நன்மைக் காலம் முடிவடைந்து 60 நாட்களுக்கு பிறகு)

உங்கள் CRBஐ CRA திரும்பப் பெறலாம்

உங்கள் வருடாந்த வருமானம் 38,000 டொலர்களைத் தாண்டினால், உங்கள் CRB இன் சில அல்லது அனைத்து தொகையையும் CRA திரும்பப் பெறலாம். CRB கட்டணத்தைத் தவிர்த்து, நீங்கள், 38,000 டொலர்களுக்கு மேல் சம்பாதித்த ஒவ்வொரு டொலருக்கும் 0.5 டொலர் நன்மையை இது திரும்பப் பெறும். உங்கள் வருமான வரி அறிக்கையை நீங்கள் தாக்கல் செய்யும் போது, அது ஆண்டு இறுதியில் தொகையைத் திரும்பப் பெறும். இதன் பொருள், 2020 ஆம் ஆண்டில் நீங்கள் 4,000 டொலர்கள் CRBஐக் கோரியிருந்தால், CRBஐத் தவிர்த்து உங்கள் வருடாந்த வருமானம், 40,000 டொலர்களாக இருந்தால், CRA நன்மைத் தொகையில் 1,000 டொலர்களைத் திரும்பப் பெறலாம்.

மேலதிக விபரங்களுக்கு

https://www.canada.ca/en/revenue-agency/services/benefits/apply-for-cerb-with-cra.html

இலங்கதாஸ் பத்மநாதன்

Related posts

தேர்தல் களத்தில் அதிக பெண்கள் மற்றும் பாலின வேறுபட்ட வேட்பாளர்கள்!

Gaya Raja

சவாலான காலத்தை எதிர்கொள்ளும் Andrea Horwath

Gaya Raja

கனடா: சிறுபான்மை அரசின் சவால்கள்!

thesiyam

Leave a Comment

error: Alert: Content is protected !!