கனடிய பிரதமருக்கு சமூக வலைத்தளம் வாயிலாக கொலை மிரட்டல் விடுத்த Quebec நபரை காவல்துறையினர் கைது செய்து அவர் மீது வழக்குப்பதிவு செய்துள்ளனர்.
இந்தக் கைது குறித்த செய்தி வெள்ளிக்கிழமை (25) வெளியானது.
கைதானவர் 26 வயதான Jean-François Legault என RCMP தெரிவித்தது.
பிரதமர் Mark Carney-யின் உயிருக்கு அச்சுறுத்தல் விளைவிக்கும் வகையில் இவர் கொலை மிரட்டல் விடுத்துள்ளதாக தெரியவருகிறது.
பிரதமரின் பாதுகாப்பு பிரிவினர் அளித்த அவசரப் புகாரின் பேரில், RCMP அதிகாரிகள் சம்பந்தப்பட்ட நபரின் இருப்பிடத்தை கண்டறிந்து அவரை கைது செய்துள்ளனர்.
கைது செய்யப்பட்ட நபர் மீது கனடிய குற்றவியல் சட்ட பிரிவுகளின் கீழ் அதிகாரப்பூர்வமாகக் குற்றச்சாட்டுகள் பதிவு செய்யப்பட்டுள்ளன.
RCMP தேசிய பாதுகாப்பு பிரிவினரால் கைது செய்யப்பட்டவர் Montreal நகர நீதிமன்றக் காவலில் வைக்கப்பட்டுள்ளார்.
அவருக்கு பிணை வழங்கப்படுவதை காவல்துறையினர் கடுமையாக எதிர்த்து வருகின்றனர்.
இவருக்கு எதிரான குற்றசாட்டுகள் எதுவும் இதுவரை நீதிமன்றில் நிரூபிக்கப்படவில்லை என்பது குறிப்பிடத்தக்கது.
