Toronto நகர முதல்வர் பதவிக்கான வாக்குச்சீட்டில் மொத்தம் 53 வேட்பாளர்கள் இடம்பெறுவார்கள்.
நகரசபை தேர்தலுக்கான வேட்பாளர் பதிவு காலக்கெடு வெள்ளிக்கிழமை (21) பிற்பகல் 2 மணியுடன் நிறைவடைந்தது.
வாக்கு சீட்டுகளில் தங்கள் பெயர்களை இணைக்கவோ அல்லது நீக்கவோ வேட்பாளர்களுக்கு விதிக்கப்பட்டிருந்த பிற்பகல் 2 மணி காலக்கெடுவுக்கு முன்னதாக, நகரசபையில் பரபரப்பான நடவடிக்கைகள் காணப்பட்டன.
ஆனால், இறுதி நாளில் Toronto நகர முதல்வர் பதவிக்கான போட்டியில் பெரிய அளவில் மாற்றங்கள் எதுவும் நிகழவில்லை.
இறுதி நாளில் குறிப்பிடத்தக்க புதிய வேட்பாளர்கள் எவரும் நகர முதல்வர் தேர்தலில் இணையவில்லை.
53 வேட்பாளர்கள் நகர முதல்வர் தெரிவுக்கான வாக்குசீட்டில் இடம்பிடிக்கின்ற போதிலும் இம்முறை Olivia Chow, Brad Bradford, Chris Alexander ஆகியோருக்கு இடையே மும்முனை போட்டியாக இது அமையும் என பெரும்பாலான கருத்துக் கணிப்புகள் தெரிவிக்கின்றன.
Ontario மாகாணத்தில் Toronto உட்பட பல்வேறு நகரசபை பதவிகளுக்கான தேர்தல் October 26-ஆம் திகதி நடைபெறுகிறது.
