இந்த மாத இறுதியில் நடைபெற உள்ள மூன்று மத்திய இடைத் தேர்தல்களுக்கான முன்கூட்டிய வாக்களிப்பு வெள்ளிக்கிழமை (21) ஆரம்பிக்கிறது.
இந்தக் கோடை ஆரம்பத்தில் Ontario, Quebec, British Columbia ஆகிய மாகாணங்களில் மூன்று தொகுதிகள் வெற்றிடமாகின.
ஒரு நாடாளுமன்ற உறுப்பினர் அரசியலில் இருந்து விலக முடிவு செய்துள்ள நிலையில், ஒருவர் ஐரோப்பிய ஒன்றியத்திற்கான தூதராக நியமிக்கப்பட்டார், மூன்றாவது நபர் மேல் சபைக்கு நியமிக்கப்படுகிறார்.
இந்த நிலையில் Ontario மாகாணத்தின் Beaches-East York, Quebec மாகாணத்தின் Chicoutimi-Le Fjord, British Colombia மாகாணத்தின் North Vancouver-Capilano தொகுதிகளில் இடைத் தேர்தல்கள் நடைபெறுகின்றன.
வெள்ளியன்று முன்கூட்டியே வாக்களிக்கும் முறையை தொடர்ந்து, August 21, 22, 23, 24 ஆகிய திகதிகளில் முன்கூட்டியே வாக்களிக்கலாம்.
Scarborough Southwest தொகுதிக்கான Ontario Liberal கட்சியின் வேட்பாளர் தேர்வில் தோல்வி அடைந்த இரண்டு மாதங்களுக்குப் பின்னர், Nathaniel Erskine-Smith, July மாதம் Beaches-East York தொகுதியின் நாடாளுமன்ற உறுப்பினர் பதவியிலிருந்து விலகினார்.
தற்போது நாடாளுமன்ற உறுப்பினராக பதவி விலகிய அவர், Toronto நகரசபை உறுப்பினர் பதவிக்கு போட்டியிட வேட்புமனு தாக்கல் செய்துள்ளார்.
North Vancouver-Capilano தொகுதியின் நீண்டகால Liberal கட்சி நாடாளுமன்ற உறுப்பினரும், முன்னாள் மத்திய அமைச்சருமான Jonathan Wilkinson, பிரதமர் Mark Carney-யால் கனடாவின் ஐரோப்பிய ஒன்றியத் தூதராக நியமிக்கப்பட்டதை தொடர்ந்து, கடந்த June மாதம் தனது பதவியில் இருந்து விலகினார்.
Chicoutimi-Le Fjord தொகுதியின் முன்னாள் Conservative நாடாளுமன்ற உறுப்பினரான Richard Martel, July மாதம் மேல் சபைக்கு நியமிக்கப்பட்டார்.
இந்த மூன்று இடைத் தேர்தல்கள் இவ்வருடத்தில் ஏற்கனவே நடைபெற்ற பல தேர்தல்களின் வரிசையில் பிரதானமானவை.
இந்த ஆண்டின் ஆரம்பத்தில் Toronto, Montreal தொகுதிகளில் இரண்டு இடைத் தேர்தல்கள் நடைபெற்றது.
இவை Mark Carney பெரும்பான்மை அரசாங்கத்தை அமைக்க வழிவகுத்தன.
Liberal கட்சி தற்போது 171 இடங்களையும், Conservative கட்சி 139 இடங்களையும், Bloc Québécois கட்சி 21 இடங்களையும் கொண்டுள்ளன.
இவர்களுடன் ஐந்து NDP நாடாளுமன்ற உறுப்பினர்களும், ஒரு பசுமைக் கட்சி நாடாளுமன்ற உறுப்பினரும் உள்ளனர்.
மேலும், Alexandre Boulerice ஒரு சுயேச்சை நாடாளுமன்ற உறுப்பினராக நாடாளுமன்றத்தில் உள்ளார்.
இவர் NDP கட்சியின் சார்பில் தேர்ந்தெடுக்கப்பட்ட போதிலும், இந்த ஆண்டு இறுதியில் நடைபெற உள்ள Quebec மாகாண தேர்தலில் போட்டியிடும் திட்டத்தை அறிவித்துள்ளார்.
