Alberta சிறையிலிருந்து கைதிகளை மாற்றும் நடவடிக்கையின் போது 2 சீர்திருத்த அதிகாரிகள், ஒரு கைதி கொல்லப்பட்டனர்.
Edmonton பெண்கள் சிறையில் இருந்து ஒரு கைதியை மாற்றும் போது நிகழ்ந்த வாகன விபத்தில், இரண்டு சீர்திருத்த அதிகாரிகளும் ஒரு குற்றவாளியும் உயிரிழந்தனர்.
Alberta-Saskatchewan எல்லையில் வியாழக்கிழமை (06) காலை இந்த விபத்து நிகழ்ந்தது.
இரண்டு வாகனங்கள் இந்த விபத்தில் தொடர்புபட்டதாக RCMP தெரிவித்தது.
இதில் சிறையிலிருந்து கைதிகளை மாற்றும் வாகனத்தில் இருந்த மூவர், 25 வயதான Winnipeg நகரை சேர்ந்த பெண், 57 வயதான Sherwood Park நகரை சேர்ந்த ஆண், 24 வயதான North Battleford நகரை சேர்ந்த பெண் சம்பவ இடத்தில் பலியாகினர்.
இவர்களின் வாகனத்துடன் மோதிய வாகனத்தின் ஓட்டுநர் அருகில் உள்ள வைத்தியசாலையில் சிறிய காயங்களுடன் அனுமதிக்கப்பட்டார்.
இந்த விபத்துக்கான காரணம் குறித்து விசாரணை தொடர்ந்து நடைபெற்று வருகிறது.
பலியான அதிகாரிகள் Nicolae Serban, Ramandeep Kaur Maan என அடையாளம் காணப்பட்டுள்ளனர்.
பலியான சிறைவாசி Kiara Mooswa என அடையாளம் காணப்பட்டுள்ளார்.
இந்த விபத்து குறித்த எதிர்வினைகள் நாடளாவிய ரீதியில் தொடர்ந்து வெளியாகி வருகின்றன.
