கனடாவில் COVID தொற்றின் மொத்த எண்ணிக்கை புதன்கிழமையுடன் 12 இலட்சத்தை தாண்டியுள்ளது.
தொற்றால் மரணமடைந்தவர்களின் எண்ணிக்கையும் புதன்கிழமையுடன் 24 ஆயிரத்தை தாண்டியுள்ளது.அதேவேளை தொற்றிலிருந்து குணமடைந்தவர்களின் எண்ணிக்கை 11 இலட்சத்தை அண்மிக்கிறது.
செவ்வாய்க்கிழமை கனடாவில் சராசரி தினசரி தொற்றுக்களின் எண்ணிக்கை 18 நாட்களில் முதல் முறையாக 8 ஆயிரத்தை விட குறைவாக பதிவானது. ஆனாலும் சில மாகாணங்களில் தொற்றின் எண்ணிக்கை தொடர்ந்தும் அதிகரித்து வருகின்றது. இதனால் மாகாணங்கள் சில கடுமையான கட்டுப்பாடுகளை நடைமுறைப்படுத்தியுள்ளன.
இந்த வாரத்தில் Albertaவின் சராசரி தினசரி தொற்றுக்களின் எண்ணிக்கை 1,615ஆக பதிவானது. இது இரண்டு வாரங்களுக்கு முன்னர் 1,284ஆக இருந்தது. Nova Scotia மாகாணத்தில் புதன்கிழமையுடன் முதல் இரண்டு வார கால பொது முடக்கம் நடைமுறைக்கு வந்துள்ளது குறிப்பிடத்தக்கது.
