வர்த்தக பேச்சுவார்த்தைகள் தொடர்ந்து நடைபெற்று வரும் நிலையில், அமெரிக்காவுடனான அணுகுமுறை ஏற்கனவே ‘மிகவும் உறுதியாக’ இருப்பதாக கனடிய பிரதமர் Mark Carney தெரிவித்துள்ளார்.
அமெரிக்காவின் புதிய வரிகளுக்கான காலக்கெடு நெருங்கி வரும் நிலையில், அமெரிக்காவுடனான வர்த்தக பேச்சுவார்த்தைகள் “ஆக்கபூர்வமாக” இருக்க வேண்டும் என அவர் வலியுறுத்தினார்.
கனடாவிலிருந்து இறக்குமதி செய்யப்படும் பல்வேறு வகையான பொருட்கள் மீது, August 19 முதல், 50 சதவீத புதிய வரிகளை விதிக்கப் போவதாக அமெரிக்க ஜனாதிபதி Donald Trump எச்சரித்துள்ளார்.
இந்த நிலையில் கனடா தனது பேச்சுவார்த்தை உத்தியை மாற்றிக்கொள்ள வேண்டுமா அல்லது Donald Trump நிர்வாகத்தின் மீது கடுமையான நிலைப்பாட்டை மேற்கொள்ள வேண்டுமா என பிரதமரிடம் புதன்கிழமை (05) கேள்வி எழுப்பப்பட்டது.
ஆனாலும் தற்போதைய அணுகுமுறையை மாற்றுவதற்கான நேரம் இதுவல்ல என Mark Carney குறிப்பிட்டார்.
கனடிய வர்த்தகப் பேச்சுவார்த்தையாளர்கள், தங்களது அமெரிக்கப் பிரதிநிதிகளுடனான பேச்சுவார்த்தைகளை “அனைத்து மூலோபாயத் துறைகள்” மீதும் கவனம் செலுத்தி வருவதாகப் பிரதமர் கூறுகிறார்.
கனடா-அமெரிக்க வர்த்தக விவகாரங்களுக்கான கனடிய அமைச்சர் Dominic LeBlanc, பேச்சுவார்த்தைகளை முன்னெடுத்துச் செல்வதை நோக்கமாகக் கொண்ட தொடர் சந்திப்புகளுக்காக, கனடாவின் தலைமை வர்த்தகப் பேச்சுவார்த்தையாளர் Janice Charette-உடன் அமெரிக்கா பயணமாகி உள்ளதை பிரதமர் குறிப்பிட்டார்.
இவர்கள் இருவரும் கடந்த வாரமும் அமெரிக்கா பயணமாகி, அங்கு அமெரிக்க வர்த்தக பிரதிநிதி Jamieson Greer-ரை சந்தித்திருந்தனர்.
அந்தப் பேச்சுவார்த்தைகளில் தான் “மிகவும் தீவிரமாக” ஈடுபட்டு வருவதாக Mark Carney கூறினார்.
