மேலவை (Senate) உறுப்பினர்களின் நியமனங்களின் பிரதமர் ஒரு Conservative கட்சி நாடாளுமன்ற உறுப்பினரை தன்வசப்படுத்தினார்.
மேலவைக்கு நான்கு பேரை நியமிப்பதாக பிரதமர் Mark Carney செவ்வாய்க்கிழமை அறிவித்தார்.
இந்த நியமனத்தில் ஒரு Conservative கட்சி நாடாளுமன்ற உறுப்பினர் அடங்குகிறார்.
ஒரு வருடங்களுக்கு மேலாக பதவியில் இருக்கும் பிரதமர், தனது முதல் கட்ட மேலவை நியமனங்களில் பெயரிட்டுள்ள நபர்களில் Conservative கட்சி நாடாளுமன்ற உறுப்பினர் Richard Martel-லும் ஒருவராவார்.
Québec மாகாணத்தைச் சேர்ந்த நாடாளுமன்ற உறுப்பினரான Richard Martel, 2018-இல் Chicoutimi—Le Fjord தொகுதியில் முதன்முதலாகத் தேர்ந்தெடுக்கப்பட்டார்.
2025 தேர்தலில் 34.1 சதவீத வாக்குகளுடன் அவர் அந்தத் தொகுதியில் மிகக் குறைந்த வித்தியாசத்தில் வெற்றி பெற்றார்.
Bloc, Libera கட்சிகள் இந்தத் தேர்தலில் தலா 31 சதவீத வாக்குகளை பெற்றது.
நாடாளுமன்ற உறுப்பினர் பதவியிலிருந்து அதிகாரப்பூர்வமாக விலகியுள்ள Richard Martel, கடந்த தேர்தலுக்குப் பின்னர் தனது கட்சியின் நாடாளுமன்றக் குழுவில் இருந்து வெளியேறும் ஐந்தாவது Conservative கட்சி உறுப்பினர் ஆவார்.
தவிரவும் Tom Pitfield, Geeta Tucker, Dr. Rodney Ouellette ஆகியோரும் பிரதமரினால் மேலவைக்கு நியமிக்கப்பட்டனர்
