குழந்தைகளுக்கு சமூக ஊடகத் தடையை அறிமுகப்படுத்துவது குறித்து மத்திய அரசாங்கம் “மிகவும் தீவிரமாக” பரிசீலித்து வருவதாக தெரிவிக்கப்படுகிறது.
Liberal அரசின் கலாச்சார அமைச்சர் Marc Miller புதன்கிழமை இந்தக் கருத்தை புதன்கிழமை கூறினார்,
கடந்த வார விடுமுறையில் நடைபெற்ற Liberal கட்சி மாநாட்டில், கட்சி உறுப்பினர்கள் அத்தகைய தடைக்கு ஆதரவாக வாக்களித்த சில நாட்களுக்குப் பின்னர் அமைச்சரின் இந்தக் கருத்து வெளியானது.
சமூக ஊடகங்களைப் பயன்படுத்துவதற்கான குறைந்தபட்ச வயதை 16 ஆக நிர்ணயிக்குமாறு அரசாங்கத்தை வலியுறுத்தும், சட்டப்பூர்வமாக பிணைக்கப்படாத ஒரு தீர்மானத்தை Liberal கட்சி உறுப்பினர்கள் கடந்த சனிக்கிழமை நிறைவேற்றினர்.
இந்த நிலையில் கட்சி மாநாட்டில் உறுப்பினர்களால் முன்வைக்கப்பட்ட விருப்பத்தை அரசாங்கம் கருத்தில் கொள்ளும் என பொதுமக்கள் பாதுகாப்பு அமைச்சர் ஹரி ஆனந்தசங்கரி தெரிவித்தார்.
கட்சி உறுப்பினர்களின் கருத்தை அரசு கவனத்தில் கொண்டாலும், அவை தமது முடிவுகளை கட்டுப்படுத்துவதில்லை என நீதி அமைச்சர் Sean Fraser கூறினார்.
இந்த விடயத்தில் அரசாங்கம் பல்வேறு விதமான தெரிவுகளை பரிசீலித்து வருவதாகவும் அவர் கூறினார்.
