CUSMA சுதந்திர வர்த்தக ஒப்பந்தம் புதுப்பிப்பதில் ஏற்படும் எந்த ஒரு தாமதத்திற்கு கனடா காரணமாக இருக்காது என அமைச்சர் Dominic LeBlanc தெரிவித்தார்.
கனடா-அமெரிக்கா-Mexico தடையற்ற வர்த்தக ஒப்பந்தம் (CUSMA) தொடர்பான பேச்சுவார்த்தைகள் எதிர்வரும் கோடை காலத்தில் நிறைவடையும் என எதிர்பார்க்கப்படுகிறது.
இந்தப் பேச்சுவார்த்தைகளில் தங்கள் தரப்பிலிருந்து “நிச்சயமாக எந்த தாமதமும் ஏற்படாது” என கனடா-அமெரிக்க வர்த்தக அமைச்சர் Dominic LeBlanc தெரிவித்துள்ளார்.
இந்த வர்த்தக ஒப்பந்தம் தொடர்பான “அனைத்துப் பிரச்சினைகளும்” July 1-ஆம் திகதிக்குள் தீர்க்கப்படுவது சாத்தியமில்லை என இந்த மாத ஆரம்பத்தில் தெரிவித்திருந்தார்.
இந்தக் கருத்துக்கள் தன்னிடம் தனிப்பட்ட முறையிலும் தெரிவிக்கப்பட்டன என்பதையம் Dominic LeBlanc வியாழக்கிழமை (16) ஒப்புக்கொண்டார்.
அமெரிக்கா இந்த விடயத்தில் தயாரானவுடன் கனடாவும் செயல்படத் தயாராக உள்ளது என Dominic LeBlanc மேலும் கூறினார்.
மிக விரைவாக ஒரு ஒப்பந்தத்தை எட்டுவதற்கான பணிகளைச் செய்ய நாங்கள் தயாராக இருக்கிறோம் என கனடிய அதிகாரிகள் தொடர்ந்து தெரிவித்து வருகின்றனர்.
இந்த விடயத்தில் அமெரிக்காவுக்கு பல முன்மொழிவுகளை சமர்ப்பித்துள்ளோம் என கூறிய அமைச்சர் Dominic LeBlanc, நாங்கள் அனைத்து மட்டங்களிலும் பல ஆக்கப்பூர்வமான சந்திப்புகளைத் தொடர்ந்து நடத்தி வருகிறோம் என தெளிவுபடுத்துகிறார்.
