Ontario மாகாணத்தின் அடிப்படை ஊதியம் $17.95 ஆக அதிகரிக்கிறது.
October 1-ஆம் திகதி முதல் ஒரு மணித்தியாலத்திற்கான அடிப்படை ஊதியம் $17.95 ஆக அதிகரிக்கிறது.
பணவீக்கத்தின் அளவீடாகிய Ontario நுகர்வோர் விலைக் குறியீட்டின் அடிப்படையில், மாகாணம் ஆண்டுதோறும் ஊதியத்தை உயர்த்துகிறது.
இதன் மூலம், நாடளாவிய ரீதியில் மிக உயர்ந்த குறைந்தபட்ச ஊதியம் பெறும் மாகாணங்களில் ஒன்றாக Ontario நிலவும் என தொழிலாளர் துறை அமைச்சர் David Piccini கூறினார்.
இந்த உயர்வால் குறைந்தபட்ச ஊதியம் பெற்று, வாரத்திற்கு 40 மணி நேரம் வேலை செய்யும் ஒருவர், ஆண்டுக்குக் கூடுதலாக $728 பெறுவார் என அரசாங்கம் கூறுகிறது.
தற்போதைய குறைந்தபட்ச ஊதியம் $17.60 ஆக உள்ளது இங்கு குறிப்பிடத்தக்கது.
