உக்ரைனின் நட்பு நாடுகளைச் சந்திக்க கனடிய பிரதமர் அடுத்த வாரம் பிரான்ஸ் பயணிக்கிறார்.
உக்ரைன் – ரஷ்யா போரை முடிவுக்குக் கொண்டுவருவதற்கான பேச்சுவார்த்தைகள் தீவிரமடைந்து வரும் நிலையில் இந்த பயணத்தை Mark Carney முன்னெடுக்கிறார்.
திங்கள் (05), செவ்வாய்க்கிழமைகளில் (06) Mark Carney பிரான்ஸ் தலைநகரில் இருப்பார் என பிரதமர் அலுவலகம் தெரிவித்துள்ளது.
அங்கு உக்ரைனுக்கான சமாதான ஒப்பந்தத்தை முன்னெடுத்துச் செல்லும் முயற்சியில் அவர் சந்திப்புகளை முன்னெடுக்கவுள்ளார்.
உலக நாடுகளிடமிருந்து உக்ரைன் பாதுகாப்பு உத்தரவாதங்களை நாடும் நிலையில், உக்ரைனை வலுப்படுத்துவதிலும் எதிர்கால ரஷ்ய ஆக்கிரமிப்பைத் தடுப்பதிலும் தனது கவனம் தொடர்ந்து இருப்பதாக வெள்ளிக்கிழமை (02) வெளியிடப்பட்ட ஒரு ஊடக அறிக்கையில் கனடிய பிரதமர் கூறினார்.
உக்ரைனின் பாதுகாப்புத் திறன்களை அதிகரிக்கவும், நாட்டின் நீண்டகால மீட்சியை ஆதரிக்கவும் கூட்டணி நட்பு நாடுகளுடன் இணைந்து செயல்பட்டு வருவதாக கனடிய பிரதமர் அலுவலகம் தெரிவித்துள்ளது.
உக்ரைனின் மீட்சிக்கு மிகப்பெரிய பங்களிப்பை வழங்கும் நாடுகளில் ஒன்றாக கனடா உள்ளது.
கடந்த வார இறுதியில் உக்ரைன் ஜனாதிபதியை சந்தித்தபோது நிதி, கடன் உத்தரவாதங்களில் $2.5 பில்லியன் உதவியை Mark Carney அறிவித்திருந்தார் என்பது குறிப்பிடத்தக்கது.
LJI Reporter ரம்யா சேது
