கனடிய தம்பதியினர் Dominican குடியரசில் சடலமாக மீட்கப்பட்டனர்.
விடுமுறைக்குச் சென்றிருந்த Quebec மாகாணத்தை சேர்ந்த 56 வயதான Alain Noël, 55 வயதான Christine Sauvé ஆகியோர் சடலமாக மீட்கப்பட்டனர் என குடும்ப உறுப்பினர் ஒருவர் தெரிவித்தார்.
December 25, 26 ஆகிய திகதிகளில் இரவு நேர தூக்கத்தின் போது தனது சகோதரியும், அவரது கணவரும் இறந்துவிட்டதாக Christine Sauvé-யின் சகோதரர் Gilles Sauve Jr. சமூக வலைதளத்தில் பதிவிட்டுள்ளார்.
இவர்களின் மரணத்திற்கான காரணத்தை அதிகாரிகள் வெளியிடவில்லை.
ஆனால் இவர்களின் மரணத்தில் வன்முறை அல்லது தற்கொலை சம்பந்தப்படவில்லை என குடும்பத்தினரிடம் அதிகாரிகள் கூறியுள்ளதாக தெரியவருகிறது.
இரண்டு கனடியர்கள் Dominican குடியரசில் மரணமடைந்ததை கனடிய வெளிவிவகார அமைச்சு உறுதிப்படுத்தியுள்ளது.
கனடிய அதிகாரிகள் குடும்பத்தினருக்கு தூதரக உதவிகளை வழங்கி வருவதை உறுதிப்படுத்தியுள்ள வெளிவிவகார அமைச்சு, மேலதிக விபரங்களுக்காக உள்ளூர் அதிகாரிகளுடன் தொடர்பு கொண்டுள்ளதாகவும் கூறியது.
தனியுரிமைக் காரணங்களால், மேலும் தகவலையும் வெளியிட கனடிய வெளிவிவகார அமைச்சு மறுத்துள்ளது.
LJI Reporter ரம்யா சேது
