கனடாவுக்கான மூன்று நாள் அரசு முறைப் பயணமாக Swedish அரச குடும்பத்தினர் செவ்வாய்க்கிழமை (18) Ottawa வந்தடைந்தனர்.
Sweden-னின் மிக நீண்ட காலம் ஆட்சி செய்த மன்னரான மன்னர் King Carl XVI Gustaf, ராணி Silvia ஆகியோர் 2006-ஆம் ஆண்டின் பின்னர் கனடாவுக்கான முதல் பயணமாக Ottawa, Montreal நகரங்களுக்கு பயணிக்கின்றனர்.
இவர்களுடன் உயர் அரசாங்க அமைச்சர்கள், நிறுவனங்களின் பிரதிநிதிகள் குழுவினர் பயணித்தனர்.
தலைமை நீதிபதி Richard Wagner அடங்கிய கனடிய தூதுக்குழு திங்கட்கிழமை (17) காலை Rideau Hall-க்கு அரச தம்பதியினரை அதிகாரப்பூர்வமாக வரவேற்றது.
பிற்பகல் நாடாளுமன்றத்தில் பிரதமர் Mark Carney தலைமையிலான கனடிய அதிகாரிகளை அவர்கள் சந்தித்தனர்.
பிற்பகல் நடைபெற்ற நிகழ்வில் கனடாவும் Sweden-னும் உக்ரைனுக்கு தங்கள் ஆதரவை மீண்டும் உறுதிப்படுத்தினர்.
இந்த நிகழ்வுக்கு முன்னதாக வெளியுறவு அமைச்சர் அனிதா ஆனந்த், Sweden துணைப் பிரதமர் Ebba Busch, உக்ரைன்-கனடிய சமூகத்தின் பிரதிநிதிகளுடன் கலந்துரையாடலில் ஈடுபட்டார்.
Sweden அரச தம்பதியினரை கௌரவிக்கும் வகையில் திங்கள் மாலை ஆளுநர் நாயகத்தின் இல்லத்தில் அரச முறையிலான இரவு உணவு விருந்துபசாரம் நடைபெற்றது.
