அடுத்த மூன்று ஆண்டுகளில் $25 பில்லியன் சேமிப்பைக் கண்டறிய பிரதமர் Mark Carney இலக்கு வைத்துள்ளார்.
மத்திய அரசாங்கம் செலவின மதிப்பாய்வை மேற்கொள்ளும் நிலையில் இந்தத் தகவல் அரசாங்க தரப்பிலிருந்து வெளியானது.
இந்த இலையுதிர் கால வரவு செலவுத் திட்டத்திற்கு முன்னதாக சேமிப்புகளை கண்டறிய கோடை இறுதிக்குள் திட்டங்களை முன்வைக்குமாறு அமைச்சர்கள் இந்த வாரம் கோரப்பட்டனர்.
நிதியமைச்சர் François-Philippe Champagne, கருவூல வாரியத் தலைவர் Shafqat Ali ஆகியோர் கடந்த திங்கட்கிழமை (07) இது குறித்த கடிதங்களை அமைச்சரவைக்கு வழங்கியதாக செய்தி வெளியானது.
April 1, 2026 ஆரம்பிக்கும் 2026-27 நிதியாண்டில் அமைச்சர்கள் 7.5 சதவீத சேமிப்பைக் கண்டுபிடிக்க வேண்டும் என் நிதியமைச்சரின் அலுவலக செய்தித் தொடர்பாளர் கூறினார்.
தொடர்ந்து 2027-28-இல் 10 சதவீதமும் 2028-29-இல் 15 சதவீதமும் சேமிப்பாக கண்டுபிடிக்கப்பட வேண்டும் என கோரப்பட்டுள்ளது.
நீண்ட கால சேமிப்புகளை கண்டறிவது இந்த நடவடிக்கையின் குறிக்கோளாக உள்ளது.
குறிப்பிட $25 பில்லியன் சேமிப்பு இலக்கை Toronto Star பத்திரிகை முதன் முதலில் அறிவித்தது.
கடந்த பொதுத் தேர்தல் பிரச்சாரத்தின் போது, 2028-ஆம் ஆண்டுக்குள் அரசாங்கத்தின் வரவு செலவுத் திட்டத்தை சமநிலைப்படுத்துவதற்கு Mark Carney உறுதியளித்தார்.
