அமெரிக்கா-Mexico-கனடா வர்த்தக ஒப்பந்தத்தின் முக்கியத்துவம் குறித்து கனடிய Mexico தலைவர்கள் உரையாடினர்.
கனடியப் பிரதமர், Mexico ஜனாதிபதியுடன் உரையாடினார்.
கனடியப் பிரதமர் Mark Carney, Mexico ஜனாதிபதி Claudia Sheinbaum ஆகியோருக்கு இடையில் தொலைபேசியில் உரையாடல் ஒன்று வியாழக்கிழமை (15) நிகழ்ந்தது.
பிரதமர் Mark Carney-யின் தேர்தல் வெற்றிக்கு, ஜனாதிபதி Claudia Sheinbaum வாழ்த்து தெரிவித்தார்.
இரு நாடுகளுக்கும் இடையே வலுவான வர்த்தக உறவை கட்டியெழுப்புவது குறித்தும் இரு நாட்டு தலைவர்கள் விவாதித்தனர்.
மூன்று வட அமெரிக்க நாடுகளின் போட்டித்தன்மையை அதிகரிப்பதில் அமெரிக்கா-Mexico-கனடா வர்த்தக ஒப்பந்தத்தின் (USMCA) முக்கியத்துவம் குறித்து இரு தலைவர்களும் இந்த உரையாடலில் விவாதித்தனர்.
பருவகால விவசாயத் தொழிலாளர் திட்டத்தைப் பராமரிப்பது, வலுப்படுத்துவது குறித்தும் இரு தலைவர்களும் உரையாடியதாகவும் தெரிவிக்கப்படுகிறது.
இருதரப்பு உறவுகளை ஆழப்படுத்துவதற்கான வாய்ப்புகளைக் கண்டறிய உடனடியாகப் பணியாற்றுமாறு தங்கள் மூத்த அதிகாரிகளிடம் பணித்த இரு நாட்டின் தலைவர்களும், தொடர்ந்தும் நெருங்கிய தொடர்பில் இருக்க இணங்கினர்.
