Ontario மாகாண வீட்டுவசதித்துறை அமைச்சர் Steve Clark பதவி விலகியுள்ளார்.
வார விடுமுறையில் தனது பதவி விலகல் கடிதத்தை Steve Clark வெளியிட்டார்.
Ontario அரசாங்கத்தின் Greenbelt மேம்பாட்டுத் திட்ட இடமாற்ற சர்ச்சைக்கு மத்தியில் இந்த பதவி விலகல் அறிவிக்கப்பட்டது.
அமைச்சர் பதவியில் இருந்து விலகினாலும் தொடர்ந்து Leeds-Grenville-Thousand Islands and Rideau Lakes தொகுதியின் மாகாண சபை உறுப்பினர் பதவியில் தொடரவுள்ளதாக அவர் தெரிவித்துள்ளார்.
இந்த பதவி விலகலை Ontario முதல்வர் Doug Ford ஏற்றுக் கொண்டுள்ளார்.
அதேவேளை எதிர்க்கட்சிகள் இந்த பதவி விலகளை ஆதரித்துள்ளன.
Ontario அரசாங்கத்தின் Greenbelt மேம்பாட்டுத் திட்டங்கள் சார்புடையவை என தனது புதிய அறிக்கையில் அண்மையில் கணக்காய்வாளர் நாயகம் பரிந்துரைத்திருந்தார்.
இந்த நிலையில் Ontario வீட்டுத் திட்ட அமைச்சரின் தலைமை பணியாளர் கடந்த வாரம் பதவி விலகியிருந்தார்.
இதனை தொடர்ந்து வீட்டுவசதித்துறை அமைச்சரின் பதவி விலகல் அறிவித்தல் வெளியாகியுள்ளது.
Ontario மாகாண அரசாங்கம் Greenbelt திட்டத்தை கையாண்ட விதம் குறித்து RCMP விசாரணை ஒன்றை ஆரம்பித்துள்ளது குறிப்பிடத்தக்கது.
