கனடிய பிரதமருக்கும் Telesat நிறுவனத்தின் தலைமை நிர்வாக அதிகாரிக்கும் இடையேயான நீண்ட கால நட்பு குறித்து ஒழுக்கநெறி ஆணையர் விசாரணை நடத்த வேண்டும் என கோரப்பட்டுள்ளது.
பிரதமர் Mark Carney, Telesat Corporation நிறுவனத்தின் தலைமை நிர்வாக அதிகாரி (CEO) Dan Goldberg ஆகியோருக்கு இடையிலான நீண்ட கால நட்பு குறித்து இந்த விசாரணை நடத்தப்பட வேண்டும் என Conservative நாடாளுமன்ற உறுப்பினர் Jamil Jivani அதிகாரப்பூர்வமாகக் கோரியுள்ளார்.
Telesat நிறுவனத்திற்கு $2.3 பில்லியன் மதிப்பிலான இராணுவ செயற்கைக்கோள் ஒப்பந்தம் வழங்கப்பட்டதை தொடர்ந்து இந்த விவகாரம் எழுப்பப்பட்டுள்ளது.
கனடிய பிரதமருக்கும், Telesat நிறுவனத்தின் தலைமை நிர்வாக அதிகாரிக்கும் இடையே கடந்த இருபது ஆண்டு காலமாக பழக்கம் இருப்பதாக தனது கடிதத்தில் Jamil Jivani குறிப்பிட்டுள்ளார்.
இந்த கடிதம் தமக்குக் கிடைத்துள்ளதை ஒழுக்கநெறி ஆணையரின் அலுவலகம் உறுதி செய்துள்ளது.
இந்த இராணுவ ஒப்பந்தத்தை வழங்கும் முடிவு பாதுகாப்பு முதலீட்டு முகமையால் சுயாதீனமாக எடுக்கப்பட்டது எனவும், இதில் பிரதமருக்கு எந்தவிதத் தொடர்பும் இல்லை எனவும் பிரதமர் அலுவலகம் மறுத்துள்ளது.
அதேவேளை இந்த குற்றச்சாட்டுகளை Telesat நிறுவனத்தின் செய்தித் தொடர்பாளர் திட்டவட்டமாக மறுத்தார்.
