கனடாவின் பிரதான உள்கட்டமைப்பு, பொருளாதாரத் திட்டங்களை மிக வேகமாகச் செயல்படுத்துவதற்காக Liberal அரசாங்கம் நாடாளுமன்றத்தில் புதிய சட்டமூலத்தை அதிகாரப்பூர்வமாகத் தாக்கல் செய்துள்ளது.
நாடாளுமன்றக் கூட்டத்தொடர் மீண்டும் திங்கட்கிழமை (21) ஆரம்பித்தது.
இந்த அமர்வின் முதலாவது நாள் நாட்டின் பொருளாதார வளர்ச்சி, தற்போதைய அவசரத் தேவைகளை எதிர்கொள்ள இந்தச் சட்டம் கொண்டு வரப்பட்டுள்ளதாக அரசாங்கத் தரப்பு நாடாளுமன்ற தலைவர் (Government House Leader) Steven MacKinnon தெரிவித்துள்ளார்.
Bill C-39 என்ற புதிய சட்டமூலத்தை Liberal அரசாங்கம் நாடாளுமன்றத்தில் தாக்கல் செய்துள்ளது.
இந்த சட்டமூலத்திற்கு Liberal அரசு Building Canada Strong Act என பெயரிட்டுள்ளது.
இந்த சட்டமூலம் குறித்த விவரங்களை அமைச்சர்கள் Steven MacKinnon, Patty Hajdu, Dominic LeBlanc ஆகியோர் செய்தியாளர் சந்திப்பில், கூட்டாக வெளியிட்டனர்.
பெரிய திட்டங்களுக்கான அரசு அனுமதிகள், உள்கட்டமைப்புப் பணிகளை விரைவுபடுத்துவதன் மூலம் கனடாவின் பொருளாதாரத்தை அடுத்த கட்டத்திற்கு எடுத்துச் செல்ல இந்த சட்டமூலம் உதவும் என ஆளும் Liberal அரசு தெரிவித்தது.
இருப்பினும், இந்த சட்டமூலத்தில் முன்வைக்கப்பட்டுள்ள தொழிலாளர் சட்டத் திருத்தங்கள், தங்களின் ஜனநாயக ரீதியான வேலை நிறுத்த போராட்ட உரிமையைக் கடுமையாகப் பாதிக்கும் எனப் பல முக்கிய தொழில் சங்கங்கள் தங்களது கடுமையான கவலைகளையும் எதிர்ப்புகளையும் பதிவு செய்துள்ளது.
நாடாளுமன்ற அமர்வுகள் மீண்டும் ஆரம்பித்துள்ள நிலையில், இந்த முக்கிய பொருளாதார சட்டமூலம் எதிர்க்கட்சிகளிடம் இருந்தும் கடுமையான எதிர்ப்புகளையும் விவாதங்களையும் சந்திக்கும் என எதிர்பார்க்கப்படுகிறது.
