Toronto நகர முதல்வர் தேர்தலில் தற்போதைய முதல்வர் Olivia Chow-விற்கு Ontario மாகாண முதல்வர் Doug Ford ஆதரவு தெரிவித்துள்ளதாக வெளியான செய்திகளை அவரது அலுவலகம் மறுத்துள்ளது.
Doug Ford எந்தவொரு வேட்பாளருக்கும் தனது அதிகாரப்பூர்வ ஆதரவை வழங்க மாட்டார் என அவர் அலுவலகம் தெளிவுபடுத்தியது.
Doug Ford அலுவலகம் வியாழக்கிழமை (17) வெளியிட்ட அவசர அறிக்கையில், இந்த விபரம் வெளியானது.
முன்னதாக, புதன்கிழமை (16) நடைபெற்ற நிகழ்வில் Doug Ford, Olivia Chow ஆகியோர் கூட்டாக பங்கேற்றனர்.
அங்கு செய்தியாளர்கள் நகரசபைத் தேர்தல் ஆதரவு குறித்துக் கேட்டபோது, Olivia Chow நகராட்சியை அசாத்தியமான முறையில் நிர்வகித்து வருவதாக Doug Ford பாராட்டிப் பேசினார்.
தங்கள் இருவருக்கும் இடையே ஒரு அற்புதமான உறவு நீடிப்பதாக குறிப்பிட்ட Doug Ford, தனது உரையின் முடிவில் “நான் சொல்வதன் வரிகளுக்கு நடுவே உள்ள அர்த்தத்தைப் புரிந்து கொள்ளுங்கள்” என சுட்டிக்காட்டினார்.
Doug Ford-டின் இந்தக் கருத்துக்கள், அவர் Olivia Chow-விற்கு தனது மறைமுக ஆதரவை வழங்கி விட்டார் என்று அரசியல் வட்டாரங்களில் பரவலாக நோக்கப்பட்டது.
இந்த ஆதரவை Olivia Chow-வின் முதன்மை வேட்பாளரான Brad Bradford கடுமையாக விமர்சித்திருந்தார்.
இதன் காரணமாக உள்கட்சிக்குள்ளும் Conservative வட்டாரங்களிலும் சர்ச்சை வெடித்ததை தொடர்ந்து, வியாழன் மாலை முதல்வர் அலுவலகம் இந்த விளக்கத்தை வெளியிட்டு வதந்திகளுக்கு முற்றுப்புள்ளி வைத்துள்ளது.
Toronto நகர முதல்வர் தேர்தலில் Olivia Chow, Brad Bradford, Chris Alexander ஆகியோர் உட்பட மொத்தம் 45 வேட்பாளர்கள் போட்டியிடுகின்றனர்.
October 26 அன்று தேர்தல் வாக்களிப்பு நடைபெற ஏற்பாடாகியுள்ளது.
